Əli Quliyevin ürəktutmasından öldüyü bildirilir
Xalq artisti Nazpəri Dostəliyevanın böyük oğlu Əli Quliyev vəfat edib.
İfaçının bacısı, müğənni Zeynəb Dostəliyevanın Meydan TV-yə verdiyi məlumata görə, 1981-ci il təvəllüdlü Əli Quliyev bir saat öncə ürəktutmasından keçinib:
“Gözlənilmədən oldu, danışıb-gülürdü. Qəfil vəziyyəti ağırlaşdı, heç nə edə bilmədik. Əlinin heç bir xəstəliyi yox idi”.
Zeynəb Dostəlyeva deyib ki, Əli Quliyev Qobustanda yerləşən qəbristanlıqda dəfn olunacaq.
