“Tərəfdaş olduğumuz Nəşrlər Evinin təzyiqlərlə üzləşməsini necə qarşılaya bilərəm?”
“Əli və Nino” kitab mağazalar şəbəkəsinin sahibi Nigar Köçərli “Qanun” Nəşrlər Evinin üzləşdiyi təzyiqlərlə bağlı niyə indiyə qədər mövqe bildirməməsi haqqında Meydan TV-nin sualına “hələ bu barədə düşünməmişəm” cavabını verib. Nigar Köçərli “Qanun” Nəşrlər Evinin Vergilər Nazirliyi tərəfindən 150 min manat cərimə olunması, qurumun işçilərinin və əməkdaşlıq etdiyi şəxslərin istintaqa çağrılmasından xəbərdar olduğunu bildirdi: “Mən olaylardan xəbərdaram, tərəfdaş olduğumuz Nəşrlər Evinin təzyiqlərlə üzləşməsini necə qarşılaya bilərəm, əlbəttə ki, pis. Bu, arzuolunmaz durumdur. Yəqin ki, biz münasibət bildirmək haqqında düşünəcəyik”.
