Mənbə: Mədəniyyət Nazirliyi

Nazirlik yeni layihəyə başlayacağını açıqladı

Teatr menecmenti və prodüserlik fəaliyyəti ilə bağlı peşəkarlar yetişdiriləcək

Mədəniyyət Nazirliyi “Gənc teatr prodüserləri üçün laboratoriya” adlı layihəyə başlayır.

Nazirliyin yaydığı məlumatda bildirilir ki, Rusiya Dövlət Teatr Sənəti İnstitutu ilə birlikdə Azərbaycanda teatr menecmentinin və prodüserlik strukturunun inkişafı və idarəetməsi sahəsində kadr yetişdiriləcək.

Məqsəd bu sahədə peşəkarların artırılmasıdır.

Layihə oktyabrın 3-dən 9-dək Yarat Müasir İncəsənət Məkanında təşkil olunacaq.

Təlimlərdə Elena Simurzina, Aleksandra Knyazeva, Elşən Məmmədov müasir teatr menecmenti və prodüserlik fəaliyyəti ilə bağlı bilik və bacarıqlarını bölüşəcəklər.

Menecment və prodüserlik sahəsinə maraq göstərən gənclərə laboratoriyada ödənişsiz iştirak etmək imkanı yaradılır.

Teatrşünas Vidadi Qafarov Meydan TV-yə açıqlamasında bildirib ki, Azərbaycanda teatr menecmentinin yaradılması, inkişafı çox vacibdir: “Dünya kino və teatr sənayesi menecmentlə işləyir. Təəssüf ki, Azərbaycanda belə institutlar olmayıb. Yeri gəlmişkən, artıq bu ildən Azərbaycan Dövlət Mədəniyyət və İncəsənət Universitetində Teatr menecmenti ixtisası fəaliyyətə başlayıb. Universitet teatr menecmenti fakültəsi üzrə magistr səviyyəsində tələbələr yetişdirəcək”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/9lkfn7

Ən çox baxılan