Plastik qablar

Mənbə: Times magazine

Başlıq: Plastik qablar

Gələn aydan birdəfəlik plastik qablardan istifadə olunmayacaq

Məqalə yeniləndi:  22 İyun 2021

Plastik qarışdırıcı çubuq, çəngəl, qaşıq, bıçaq, boşqab və stəkanların idxalına son qoyulacaq

İyulun 1-dən Azərbaycanda birdəfəlik istifadə üçün nəzərdə tutulan plastik qarışdırıcı çubuq, çəngəl, bıçaq, boşqab və stəkanların idxalı, istehsalı, istifadəsi qadağan edilir.

Qadağa 2020-ci il noyabrın 26-da “Azərbaycan Respublikasının İnzibati Xətalar Məcəlləsində dəyişiklik edilməsi barədə” Prezident İlham Əliyevin imzaladığı fərman əsasında reallaşır.

Dəyişiklikdə bildirilirdi ki, iyulun 1-dən ölkə ərazisində polietilen torbaların, birdəfəlik istifadə üçün nəzərdə tutulan plastik qarışdırıcı çubuq, çəngəl, qaşıq, bıçaq, boşqab və stəkanların idxalına son qoyulacaq.

Fərmanın müddəaları polietilen torbalara münasibətdə 2021-ci il yanvarın 1-dən, birdəfəlik istifadə üçün nəzərdə tutulan plastik qarışdırıcı çubuq, çəngəl, qaşıq, bıçaq, boşqab və stəkanlara münasibətdə isə 2021-ci il iyulun 1-dən qüvvəyə minir.

Ekologiya ilə bağlı paylaşımlar edən “Ecofront” səhifəsi bunun çox vacib və təsirli qərar olduğu qənaətindədir. Səhifənin paylaşımında bildirilir ki, dünyada çox az ölkə bu ölçüdə tədbir görüb:

“Qalır buna ciddi nəzarət etmək və keçid prosesini rahatlaşdırmaq üçün alternətivləri və vərdişləri təbliğ etmək. Bu qərarın təşəbbüskarı və dəstəkçilərinə təşəkkür edirik”.

Hələlik, Azərbaycanda ətraf mühiti çirkləndirən, sonadək emal olunmayan plastikə alternativ kimi nədən istifadə ediləcəyi açıqlanmayıb.

2021-ci ildən Avropa Birliyinin bir çox ölkəsində də birdəfəlik plastik qablara, plastik paketlərə, pambıqlı çöplərə, plastik çöplərə tam qadağa qüvvəyə minir. Kaliforniyada isə belə bir qadağa çoxdan var və restoranlarda içkilərin plastik çöplərlə verilməsi yasaqlanıb.

Bu təşəbbüslərin müəllifləri deyirlər ki, hətta plastik zibil emalı texnologiyasının inkişaf etdiyi AB ölkələrində belə plastik tullantılar yalnız 25 faizi emal olunur.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  22 İyun 2021
Bölmələr:  
qısa linklər:   http://mtv.re/ypixgu

Ən çox baxılan