Fulya Öztürk

Mənbə: https://www.cumhuriyet.com.tr/

Başlıq: Fulya Öztürk

“Fulya” filminin montaj prosesi başa çatıb

Filmin premyerasının harada keçiriləcəyi hələ məlum deyil

Cəfər Cabbarlı adına “Azərbaycanfilm” kinostudiyası ilə Türkiyənin “Dada Yapım” şirkətinin birgə istehsalı “Fulya” sənədli filminin çəkilişləri və montaj prosesi artıq başa çatıb.

Bu haqda məlumatı Meydan TV-yə “Azərbaycanfilm” kinostudiyasının PR meneceri Lətif Lətifsoy verib.

Onun sözlərinə görə, filmin montaj prosesi Türkiyədə olub. “Fulya” ortaq istehsal olduğu üçün premyeranın harada keçiriləcəyi hələ məlum deyil.

Ssenari müəllifi və rejissoru Tahir Tahiroviç, operatoru Çengizhan Durmaz, prodüserlər Fariz Əhmədov və Özcan Dadadır. Filmin çəkilişləri Gəncə, Tərtər və Şuşada aparılıb.

“CNN Türk” kanalının müxbiri Fulya Öztürk İkinci Qarabağ Müharibəsi zamanı 44 gün ərzində Azərbaycanın ən qaynar nöqtələrində iştirak edib. Sənədli film həmin hadisələri əks etdirir. Fulya Öztürk hazırda FOX TV-nin əməkdaşıdır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/drs06w

Ən çox baxılan