Onun yerinə I vitse-prezident Mahir Məmmədov seçilib
Elman Rüstəmov noyabrın 26-da Şahmat Federasiyasının prezidenti vəzifəsindən azad edilib.
Bu barədə Gənclər və İdman Nazirliyində Şahmat Federasiyasının növbəti hesabat-seçki konfransında bildirilib.
2007-ci ildən prezident funksiyasını yerinə yetirən Elman Rüstəmov növbəti seçkilərdə namizədliyini irəli sürmədiyini konfransda açıqlayıb.
Azərbaycan Şahmat Federasiyasının yaydığı məlumata görə, qurumun vitse-prezidenti Mahir Məmmədov 4 il müddətinə prezident seçilib.
“Faiq Həsənov isə I vitse-prezident seçildi. Eyni zamanda, Sərxan Həşimov və beynəlxalq qrossmeyster Cahangir Ağarəhimov İcraiyyə Komitəsinə üzv kimi namizəd göstərildi və səsvermə ilə qəbul olundu”, – deyə açıqlamada bildirilir.
Mahir Məmmədov FİDE-də vitse-prezident postunu tutur.