Əlibaba Məmmədovun oğlu da bugünlərdə həyatını itirib
Xalq artisti, muğam ifaçısı Əlibaba Məmmədov vəfat edib.
Bu haqda Meydan TV-yə Mədəniyyət Nazirliyindən məlumat verilib.
92 yaşlı xanəndənin ölüm səbəbi məlum deyil.
Ötən ilin yanvarında Əlibaba Məmmədovun qızı, bugünlərdə – fevralın 17-də isə 67 yaşlı oğlu Seyran Məmmədov xərçəng xəstəliyindən vəfat edib.
Artıq bir il idi ki, xanəndənin ayaqları tutulmuşdu.
Əlibaba Məmmədov 1930-cu ildə Maştağada doğulub.
Musiqi təhsilini 1953-1958-ci illərdə Azərbaycan Dövlət Musiqi Məktəbində xanəndə Seyid Şuşinskinin sinifində alıb.
1945-ci ildən Azərbaycan Dövlət Filarmoniyasının solisti, 1978-1988 illərdə “Azkonsert birliyi”nin solisti olub.
Əlibaba Məmmədov 100-dən artıq mahnı və təsniflər yaradib ki, onlar xanəndələrin repertuarlarına daxil edilib.
1963-cü ildə Azərbaycan SSR Əməkdar artisti, 1989-cu ildə SSR Xalq artisti adlarına layiq görülüb.