AŞPA prezidenti istefa verdi

Pedro Aqramunt

Pedro Aqramunt

Pedro Aqramunt: ''Bu gün şəxsi səbəblərdən AŞPA-ya sədrlik etməmək qərarı verdim''

Avropa Şurası Parlament Assambleyasının (AŞPA) prezidenti Pedro Aqramunt istefa verib. P.Aqramunt bu barədə özünün Tvitter səhifəsində yazıb. 

"Bu gün şəxsi səbəblərdən AŞPA-ya sədrlik etməmək qərarı verdim",- P. Aqramunt bildirib.

P.Aqramuntun vəzifədən uzaqlaşdırılması məsələsi uzun müddətdir gündəmdədir. İlk dəfə AŞPA-nın yaz sessiyasında ona etimad məsələsi qaldırılıb, buna səbəb kimi P. Aqramuntun Suriyaya səfəri və orada Bəşər Əsədlə görüşü göstərilib. (“Turan”İA)

Bu il iyunun 27-də AŞPA-nın yay sessiyasının plenar iclasında "Parlament Assambleyasında məsuliyyət prinsipinin tanınması və həyata keçirilməsi" adlı hesabat müzakirəyə çıxarılıb.

İsveçrəli deputat, xanım Lilian Mori Paskyenin hazırladığı hesabatda AŞPA prezidentinin, vitse-prezidentlərin və komitə sədrlərinin vəzifələrindən çıxarıla bilməsi məqsədilə qurumun daxili prosedurunda dəyişiklik edilməsi nəzərdə tutulur.

Çıxışlardan sonra hesabat səs qoyulub və 154 lehinə, 30 əleyhinə, 13 bitərəf olmaqla, qəbul edilib. Bu hesabatın qəbulundan sonra qurumun sədri Pedro Aqramuntun vəzifədən uzaqlaşdırılacağı gözlənilirdi.

P.Aqramunt 2017-ci ilin martında Rusiya nümayəndə heyətinin tərkibində Suriyaya səfərə gedib. Həmçinin Azərbaycan hakimiyyətinin AŞPA üzvlərini ələ alması ilə bağlı "kürü diplomatiyası" ətrafında qalmaqalda adı keçir.

Aqramunt bir neçə il AŞPA-nın Azərbaycan üzrə Monitorinq Komitəsinin məruzəçisi olub. Və həmin dövrdə hüquq müdafiəçiləri onu Azərbaycan hakimiyyəti ilə əməkdaşlıqda ittiham ediblər. Bundan əlavə, Aqramunt Azərbaycanda siyasi məhbusların azad olunması üçün AŞPA tədbirlərini sabotaj edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/cbbxb6

Ən çox baxılan