Teatrın mətbuat katibi deyir ki, bu qərar koronavirusla bağlı verilib
Akademik Milli Dram Teatrı koronovirusa görə fəaliyyətini müvəqqəti dayandırıb.
Bu barədə məlumatı teatrın mətbuat katibi Cavid Zeynallı “Facebook” səhifəsində paylaşıb.
O bildirib ki, son günlər teatrın əməkdaşları arasında COVID-19 infeksiyasına yoluxma hallarının artması ilə əlaqədar qabaqlayıcı-profilaktik tədbirlərin görülməsi qərara alınıb.
“Yanvarın 23-dən fevralın 7-dək teatrın öz iş fəaliyyətini müvəqqəti olaraq dayandırması haqqında qərar qəbul olunub. Bu tarixlərə təyin edilmiş tamaşa nümayişləri və məşqlər təxirə salınır, teatrın inzibati binasına giriş-çıxış fevralın7-dək məhdudlaşdırılır”, – Cavid Zeynallı qeyd edib.
Tamaşalar fevralın 7-dən etibarən nümayiş olunacaq.
2020-ci il martın 14-dən COVİD-19 pandemiyası ilə əlaqədar bağlanan Azərbaycan teatrları fəaliyyətini ilyarım sonra, 2021-ci il oktyabrın 1-dən bərpa edib.
