Mənbə: Meydan.TV

“Üzümün kilosunu sahədə 35 qəpiyə güclə satırıq”

Məqalə yeniləndi:  23 Sentyabr 2020

Cəlilabad rayonunda üzüm yığımı

Mənbə: Meydan.TV

Cəlilabad rayonunda üzüm yığımı dövrüdür. Yerli təsərrüfatçılar deyir ki, bu il susuzluqdan çox əziyyət çəkiblər. İndi isə sahədə üzümün kilosunu 35 qəpiyə güclə satırlar.

“Ərazidə əvvəllər böyük su hövzəsi vardı. İndi o da yoxdur. Üzüm bağlarını suvarmaq üçün müasir boru sistemini çəksələr də, su qeybə çəkilib, tapılmır. Kəndlinin ümidi qalıb yağışın yağmasına”, - fermerlərdən biri deyir.

Rayonun Əhməd Cavad massivində üzüm satan Vidadi kişinin sözlərinə görə, əvvəllər yağışın hesabına üzümçülük yaxşı olurmuş. Son illər yağış da az yağdığından kəndli suvarma suyuna möhtac qalıb.

Kəndlilər deyir ki, pandemiya səbəbindən Bakı ilə yolların bağlanması avqust ayındakı yığıma pis təsir edib. Yığılan məhsulu Bakı bazarına çıxara bilməyən sahibkar az qazanc əldə etdiyini deyir. Buna görə də üzüm yığımına bu il əlavə işçi cəlb edə bilməyiblər.

Uzun illər üzümçülüklə məşğul olan Zakir Əliyevin təsərrüfatı da pandemiyadan zərər görənlərdəndir. O da məhsulu yaxşı qiymətə vaxtında bazara çıxara bilmədiyinə görə üzüm yığımına əlavə işçi qüvvəsi cəlb etməyib.

Digər rayon sakini Vidadi Xəlilov sözlərinə görə, Cəlilabadın üzüm bağlarının əsas problemi susuzluq və istehsal müəssisələrinin məhsulu aşağı qiymətə almasıdır.

Yerli sakinlər susuzluğun aradan qaldırılmasının yolunu artezian quyularının qazılmasında görürlər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  23 Sentyabr 2020
Bölmələr:  
qısa linklər:   http://mtv.re/rskmp9

Ən çox baxılan