Bu il münaqişə ilə bağlı cinsi zorakılığın qurbanı olan 500-ə qədər ukraynalı müəyyən edilib
Ukraynada müharibə zamanı cinsi zorakılıqdan sağ çıxanlara təzminat ödəniləcək.
Ukraynanın Birinci xanımı Olena Zelenska bildirib ki, davam edən münaqişə zamanı ediləcək ilk ödənişlər “ədalətin bərpası istiqamətində mühüm addımdır”.
Onun sözlərinə görə, Ukraynanın işğalı zamanı rus əsgərləri tərəfindən müharibə zamanı zorlamadan sağ çıxanlara yaxın bir neçə həftə ərzində ilk təzminat ödənişləri veriləcək.
Bu il münaqişə ilə bağlı cinsi zorakılığın qurbanı olan 500-ə qədər ukraynalı müəyyən edilib. Onlara maddi, tibbi və psixoloji dəstək daxil olmaqla, müvəqqəti təzminat ödəniləcək.
Zelenska deyib: “Kobud insan hüquqları pozuntusu qurbanlarına, o cümlədən münaqişə ilə bağlı cinsi zorakılıq qurbanlarına təzminat təkcə iqtisadi dəstəkdən ibarət deyil. Bu, ədalətin bərpası istiqamətində mühüm addımdır. Bu ədalətə təkcə Ukraynanın yox, dünyanın ehtiyacı var”.
Donor hökumətlərin vəsaitlərindən istifadə etməklə Ukrayna ilə layihə həyata keçirən Qlobal Sağ Qalanlar Fondunun məlumatına görə, bu, aktiv münaqişə zamanı sağ qalanlara təzminat ödənilən ilk hadisə olacaq.
2019-cu ildə yaradılan fondun direktoru Ester Dingemans deyib ki, təzminat sxemi onların başına gələnlərin rəsmi olaraq tanındığını təsdiqləyir:
“Bu, həmçinin daha geniş ictimaiyyətə mesaj göndərir”, – Dingemans əlavə edib.
Rusiya qüvvələri tərəfindən cinsi zorakılığa məruz qalan ukraynalıların ümumi sayı dəqiq məlum deyil, çünki sağ qalanların əksəriyyəti cinayətlər barədə məlumat vermir. Qlobal Sağ Qalanlar Fondu bunun minlərlə olduğunu təxmin edir.
