***
Səhiyyə Nazirliyinin məlumatına görə, Binəqədi rayonunda baş verən yanğın hadisəsi ilə əlaqədar Təcili Tibbi Yardım (TTY) stansiyasına çağırış 20:18-də daxil olub. Hadisə yerinə 3 TTY briqadası cəlb olunub. Hadisə nəticəsində 4 nəfər FHN əməkdaşı müraciət edib ki, onlardan 1-i başın travması ilə 3 saylı şəhər xəstəxanasına, 3 nəfər isə Toksikologiya Mərkəzinə aparılıb.
***
Fabrik iki saatdır yanır
İyulun 4-də axşam saatlarında Bakının Binəqədi rayonunda yerləşən "Sobsan" boya fabrikində yanğın başlayıb.
2 saatdan artıqdır ki, yanan fabrik hələ söndürülmür.
Binəqədi rayonunun 7-ci mikrorayon ərazisində yerləşən "Sobsan" Boya Fabrikinin söndürülməsinə Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri cəlb edilib. Hazırda yanğınsöndürmə işləri davam etdirilir.
