“NG. Baltiya”nın xəbəri
Rusiya hökuməti iyulun 1-dən Finlandiya, Estoniya və Latviya ilə sərhəddə yerləşən bir sıra dəmir yolu buraxılış məntəqələrindən keçidi dayandırıb.
“Rusiya Federasiyasının dövlət sərhədinin ayrı-ayrı sahələrində yerləşən dəmir yolu buraxılış məntəqələrindən şəxslərin, nəqliyyat vasitələrinin, malların və yüklərin keçidi 2026-cı il iyulun 1-dən əlavə edilən siyahıya uyğun olaraq müvəqqəti dayandırılsın”, — sənəddə deyilir.
Rusiya Xarici İşlər Nazirliyinə bu qərar barədə Finlandiya, Estoniya və Latviyanı məlumatlandırmaq tapşırılıb. Rusiya hökuməti qərarın səbəblərini və buraxılış məntəqələrinin nə vaxt açılacağını açıqlamayıb.
