Qazaxıstan prezidenti Qasım Jomart Toqayev

Mənbə: meydan tv

Başlıq: Qazaxıstan prezidenti Qasım Jomart Toqayev

Qazaxıstan prezidenti vəzifə dəyişiklikləri həyata keçirir

Yeni xarici işlər naziri və baş qərargah rəisi təyin edildi

Qazaxıstan prezidenti Qasım Jomart Toqayev (Qasym-Jomart Toqaev) yeni xarici işlər naziri və ordunun baş qərargah rəisi təyin edib.

Sentyabrın 18-də Toqayevin ofisi məlumat yayıb ki, Muxtar Tleuberdi əvvəlki xarişi işlər naziri olan Beybut Atamqulovu əvəz edib. Atamqulov isə yeni sənaye və infrastrukturun inkişafı naziri təyin edilib.

Tleuberdi 2016-cı ildən bəri xarici işlər nazirinin birinci müavini vəzifəsini icra edib.

Prezident aparatı həmçinin qeyd edib ki, Qırımbek Koşerbayev qərargah rəisi vəzifəsindən ayrılacaq və dövlət katibi kimi işə başlayacaq. İdarədən verilən məlumata görə, onu "başqa işə keçirilmiş" Marat Tazhini əvəz edəcək.

Əvvəllər Qarağandı (Qaraghandy) vilayətinin rəhbəri olan Erlan Qoşanov Koşerbayevin yerinə qərargah rəisi təyin edilib.

Toqayevin ofisindən edilən qısa açıqlamalarda dəyişikliklərin səbəbləri haqda heç bir məlumat verilməyib.

66 yaşlı Toqayev iyunun 12-də prezident seçilib. Beynəlxalq müşahidəçilər həmin seçkini "geniş səsvermə pozuntusu" adlandırıb və prezident seçkilərinə etiraz edənlərə qarşı həbslər başlayıb.

Toqayevin prezidentliyə namizədliyi ölkənin keçmiş avtoritar lideri Nursultan Nazarbayev tərəfindən verilmişdi. Nazarbayev təxminən 30 illik hakimiyyətindən sonra bu ilin martında rəsmi olaraq vəzifəsindən getdi. Həmin vaxt Toqayev müvəqqəti prezident olmuşdu.

Nazarbayev hələ də ölkədə bir çox mühüm siyasi vəzifələri tutmaqda davam edir. Belə ki, o, hələ də enerji ilə zəngin bu Orta Asiya dövləti daxilində və Nur-Otan siyasi partiyasının daxilində böyük gücə sahibdir. Toqayev iyun ayında prezident seçkilərində bu siyasi partiyadan namizəd olmuşdu.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/o40xvb

Ən çox baxılan