Daxili işlər naziri Kristof Kastaner

Mənbə: Foto: google.az

Başlıq: Daxili işlər naziri Kristof Kastaner

Paris küçələrində irqçiliyə qarşı etirazlar başlayıb

Etirazlar ABŞ-da irqçiliyə və polis zorakılığına qarşı başlamış nümayişlərdən ilhamlanıb

ABŞ nümayişlərindən ilhamlanan 20,000 insan Fransanın paytaxtı Parisin küçələrində mitinq edib.

“Guardian” xəbər verir ki, çərşənbə axşamı günü Paris polisi və etirazçılar arasında toqquşmalar baş verib. Qadağalara baxmayaraq 20,000-ə yaxın insan 2016-cı ildə qaradərili bir kişinin öldürülməsinə etiraz edib.

Etirazlar ABŞ-da irqçiliyə və polis zorakılığına qarşı başlamış nümayişlərdən ilhamlanıb.

Etirazçılar ABŞ-dakı mitinqlərdə səslənən şüarları təkrar edərək dörd il öncə Fransada öldürülmüş Adama Traoreyə ədalət tələb ediblər.

Etirazlar Traorenin ölümü ilə bağlı səbəbi açıqlayan iki fərqli tibbi nəticədən sonra baş verib. Fransada koronavirus səbəbiylə 10 nəfərdən artıq insanın bir araya toplaşması qadağandır.

AFP bildirir ki, polis etirazçıları dağıtmaq üçün gözyaşardıcı qazdan istifadə edib.

Daxili işlər naziri Kristof Kastaner (Christophe Castaner) “demokratiyada zorakılığa yer yoxdur” deyə çıxış edib.

“Bu axşam Parisdə ictimai küçələrdə etirazların hamının sağlamlığını qorumaq üçün qadağan edildiyi bir dövrdə baş verməsi heç bir şeyə haqq qazandırmır” deyə o, tvitində bildirib.

Aksiya iştirakçılarının bir çoxu keçən həftə silahsız qaradərili Corc Floydun son “mən nəfəs ala bilmirəm” sözünü şüar ediblər.

Etirazlar Lille, Marsey, Lion şəhərlərində də keçirilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/cf9zry

Ən çox baxılan