Mənbə: The Nobel Prize"

"Novaya qazeta"nın baş redaktoruna Nobel mükafat verildi

Məqalə yeniləndi:  9 Oktyabr 2021

Qəzet təsis ediləndən bəri altı jurnalisti öldürülüb

Rusiyanın müstəqil qəzeti "Novaya qazeta"nın baş redaktoru Dmitri Muratov və filippin əsilli amerikalı jurnalist Mariya Ressaya Nobel Sülh Mükafatı verilib.

Nobel Sülh Komitəsinin məlumatında jurnalistlərə mükafat “ifadə azadlığını qorumaq cəhdlərinə görə” verildiyi bildirilir.

"Novaya qazeta" yarandığı 1993-cü ildən etibarən korrupsiya, polis zorakılığı, qanunsuz həbslər, seçki manipulyasiyası, Rusiya daxilində və xaricində rus qoşunlarının istifadəsinə qədər müxtəlif mövzularda tənqidi məqalələr dərc edib.

Qəzetin təsis edilməsindən bəri Rusiyada korrupsiya, Çeçenistanda insan haqları pozuntularından yazan Anna Politkovskaya daxil olmaqla altı jurnalist öldürülüb.

Dmitri Muratov Nobel Mükafatını qəzetin öldürülən jurnalistlərinə ithaf etdiyini deyib.

Mariya Ressa Nobel mükafatı alan ilk filippinlidir

58 yaşlı Mariya Ressa Filippin əsilli ilk Nobel mükafatçısıdır.

CNN telekanalının Cənub-Şərqi Asiya bürosunun aparıcı tədqiqatçısı olub.

Flippin Prezidenti Rodriqo Duterte hakimiyyətinə qarşı olan “Rappler” media şirkətinin rəhbəridir.

Nobel Sülh Mükafatı ölkələr arasında qardaşlıq üçün çox və yaxşı işlər görüşmüş şəxslərə və təşkilatlara verilir.

Mükafat 1895-ci ildə isveçli ixtiraçı-alim Alfred Nobelin vəsiyyəti əsasında təsis edilib.

İlk dəfə sahibinə 1901-ci ildə təqdim olunub.

Mükafat qızıl medal və 1.14 milyon dollardan ibarətdir.

Nobel mükafatı İsveç Kral Elmlər Akademiyası, Karolinska İnstitutu və Norveç Nobel Komitəsi tərəfindən şəxslər və ya təşkilatlara fizika, kimya, ədəbiyyat, sülh və tibb sahəsində fövqəladə uğurlara görə verilir.

İqtisadiyyat üzrə Nobel mükafatı 1968-ci ildə İsveçin Mərkəzi Bankı - Sveriges Riksbank tərəfindən bankın 300 illiyi münasibətilə təsis edilib.

1969-cu ildən etibarən iqtisadiyyat elminə verilmiş töhfələrə görə təqdim edilir.

İqtisadiyyat üzrə Nobelin builki qalibi oktyabrın 11-də məlum olacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  9 Oktyabr 2021
Bölmələr:  
qısa linklər:   http://mtv.re/6amv51

Ən çox baxılan