Ramzan Kadırov

Mənbə: Foto: arxiv

Başlıq: Ramzan Kadırov

Moskva Kadırovun internet şərhləri ilə bağlı ölüm çağırışlarını araşdırmayacaq

Kadırov: “Əgər biz onları öldürməzsək, həbsxanaya salmasaq, qorxutmasaq, heç bir məqsədə çata bilməyəcəyik”

Kremli deyir ki, Çeçenistanın lideri Ramzan Kadırovun internetdə istifadəçilərin “şərəfini” alçaldanları öldürməyi, həbs etməyi və qorxutmağı təbliğ edən ifadələrini araşdırmayacaq, - “Current Time” xəbər verir.

Kremlin sözcüsü Dmitri Peskov noyabrın 7-də Moskvada jurnalistlərə deyib ki, o, Kadırovun ifadələrini eşitməyib. Əlavə edib ki, hüquq- mühafizə orqanları Kremlin deyil, Kadırovun açıqlamalarına baxmalıdır.

Noyabrın 5-də Çeçenistanın dövlət televiziya kanalı Kadırovu bölgədəki hökumət üzvləri ilə görüşərkən göstərib və burada o, şərhlərin internetdə yayımlanmasından sonra insanların öz şərəflərini necə bərpa etməli olduğunu sorğulayıb.

“Qeybət və ya mübahisə edən insanlar arasına nifaq salanları durdurmaq lazımdır. Əgər biz onları öldürməzsək, həbsxanaya salmasaq, qorxutmasaq, heç bir məqsədə çata bilməyəcəyik”,- Kadırov televiziya bəyanatında qeyd edib:

“Əgər bütün dünya yansa və bütün qanunları pozmağa gəlsə, kiminsə şərəfinə təcavüz edən bir insana necə şərait yarada bilərik? Buna icazə verməyəcəyik. Müqəddəs Qurana and olsun! Şərəfimi bərpa edə bilməyim üçün istənilə cəzanı tətbiq edəcəyəm. Həbsxanaya da gedərəm, ölümü də qəbul edərəm. Məni öldürə bilərsiniz. Burda böyük bir şey yoxdur”.

“Artıq 45 yaşım var. Bu dünyada başqa nə etməliyəm ki? Ancaq bu insanlar [onlayn şərhçilər] izlənilməlidir. Polis, təhlükəsizlik xidmətləri, gənclər təşkilatları bölgə və şəhər rəhbərləri ilə əməkdaşlıq etməlidir. Hamı “Ramzan qətl əmr etdi” və s. deyəcək. Bəs qanun nə deyir? Qanun, konstitusiya və demokratiya sözün həqiqi mənasında insanların rifahıdır”,-Kadırov deyib.

Jurnalistin Kadırovun sözləri ilə bağlı istintaq başlayacaqmı sualına cavab verən Peskov “Xeyr, olmayacaq”, cavabını verib.

Hüquq müdafiəçiləri deyir ki, Kadırov Çeçenistanı repressiv tədbirlər vasitəsilə idarə edir və bölgədəki təhlükəsizlik qüvvələri üçün toxunulmazlıq mühiti yaradır. Onlar iddia edirlər ki, Kadırov siyasi müxaliflərin oğurlanması, məcburi itkin düşməsi, işgəncə və məhkəmədənkənar öldürülmələrə məruz qalması üçün cavabdehdir.

Kremlinin tənqidçiləri deyirlər ki, Moskva Kadırovun Rusiya Konstitusiyasının pozmasına və bölgədəki hüquq pozuntularına göz yumur, çünki keçmiş üsyançı komandirə Çeçenistandakı separatçı əhval-ruhiyyəni və zorakılığı idarə etdiyi üçün güvənir. Çeçenistan Sovet İttifaqından sonra baş vermiş iki dağıdıcı müharibəyə ev sahibliyi edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/8xt1ix

Ən çox baxılan