Jurnalistin 24 sutka həbs edildiyi bildirilir

''Onun harada saxlanması barədə dəqiq məlumat yoxdur''

İsmayıllıda yaşayan jurnalist Elçin İsmayıllının 24 sutka həbs edildiyi bildirilir. Bu barədə məlumatı Azərbaycan Xalq Cəbhəsi Partiyasının (AXCP) sədr müavini Gözəl Bayramlı paylaşıb. O, Elçin İsmayıllının Bakıya gətirlidiyini deyir: 

“Amma onun harada saxlanması barədə dəqiq məlumat yoxdur. Məlumatı dəqiqləşdirmək üçün çalışmalar isə nəticə vermir. Əldə etdiyimiz məlumata görə, E.İsmayıllıya 24 sutka inzibati həbs cəzası verilib”. 

Elçin İsmayıllı fevralın 17-də yaşadığı evdən çıxdıqdan sonra geri dönməyib. Ayın 17-dən 18-nə keçən gecə saat 2 radələrində polis və prokurorluq əməkdaşlarından ibarət 8 nəfərlik qrup onun kirayədə qaldığı evdə  axtarış aparıblar. Əməliyyatçılar jurnalistin evindən kompyuterini və sənədlə aldığı ov tüfəngini götürüblər. Elçin İsmayıllı AXCP Ali Məclisinin İsmayıllıdan seçilmiş üzvüdür.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/lc3ws7

Ən çox baxılan