İngiltərə Xarici İşlər Nazirliyi

Mənbə: google.az

Başlıq: İngiltərə Xarici İşlər Nazirliyi

İngiltərənin açıq tənqiddən sonra Riyaddan üzr istədiyi deyilir

Bəzi Səudiyyə Ərəbistanı rəsmiləri Xarici İşlər Nazirliyinin yeni "Magnitsky Aktı" sanksiya siyahısına daxil edilib

İngiltərə hökuməti Səudiyyə Ərəbistanında insan haqları durumunu açıq tənqid etdikdən və krallığın 20 vətəndaşına sanksiya tətbiq olunduqdan bir gün sonra Riyaddan fərdi şəkildə üzr istəyib.

“The İndependent” xəbər verir ki, Müdafiə naziri Ben Uollas (Wallace) çərşənbə günü Səudiyyə Ərəbistanından olan həmkarı Şahzadə Xalid bin Salmana telefon açaraq İngiltərənin Səudiyyə rejiminə və onun bölgədəki siyasətinə dəstək verdiyini bir daha vurğulayıb.

Hökumətin tənqid atəşinə tutulmuş bu addımından öncə bazar ertəsi günü bəzi Səudiyyə Ərəbistanı rəsmiləri Xarici İşlər Nazirliyinin yeni "Magnitsky Aktı" sanksiya siyahısına daxil edilib.

İngiltərə Xarici İşlər Nazirliyi jurnalist Camal Qaşıqçının öldürülməsi ilə əlaqəli Səudiyyə vətəndaşları da daxil olmaqla dünyada insan haqlarının pozulmasında təqsirli bilinən 49 qrup və şəxsə sanksiya tətbiq edib.

Sanksiya tətbib edilmiş şəxslər viza qadağaları ilə üzləşməklə yanaşı İngiltərədə Brexitdən sonrakı dövrdə hesablarının dondulmasıyla qarşılaşacaqlar.

"Yeni Magnitsky tipli sanksiya rejimi dünyanın bəzi ağır insan haqları pozuntularında iştirak etmiş insanları hədəf alacaq",- İngiltərə Xarici İşlər Naziliyinin rəsmi açıqlamasında bildirilib.

“Al Arabiya” xəbər verir ki, Müdafiə nazirinin zəngi rəsmi London tərəfindən deyil, çərşənbə günü Saudi Press Agency-nin mətbuat açıqlamasıyla ictimaiyyətlə paylaşılıb.

Səudiyyə dövlət xəbər agentliyi əlavə edib ki, Uollas ölkəsinin Səudiyyə Ərəbistanının bölgədəki sabitliyə təhdidlərin aradan qaldırılmasında oynadığı roldan məmnun olduğunu dilə gətirib. O, həmçinin İngiltərə hökumətinin “iki dost ölkə arasında müdafiə əlaqələrinin, xüsusən də hərbi ixracat sahəsində, möhkəmləndirilməsində maraqlı olduğunu” bildirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/42shra

Ən çox baxılan