İndoneziya parlamenti

Mənbə: google

Başlıq: İndoneziya parlamenti

İndoneziyada evlilikdənkənar cinsi əlaqə kriminallaşdırılır

Yeni qanun layihəsinin gələn həftə təsdiqlənəcəyi gözlənilir

İndoneziya evlilikdənkənar konsensual cinsi əlaqəni kriminallaşdıran və prezidentin ləyaqətini təhqir etdiyinə görə sərt cəzalar tətbiq edən yeni cəza məcəlləsini qəbul etməyə hazırlaşır, - “Reuters” xəbər verir.

İndoneziya dünyanın ən çox müsəlman əhalisi olan və eyni zamanda əsaslı xristian, hind və buddist azlıqlara sahib ölkədir. Lakin son zamanlar ölkədə mühafizəkar İslam özünə daha dərin yer tapıb.

Yeni cinayət məcəlləsi parlamentin və hökumətin çərşənbə günü yekun qanun layihəsini qəbul etməsindən sonra, yəni gələn həftə qəbul edilməlidir. Dörd millət vəkili “Reuters”-ə məlumat verib.

Millət vəkilləri bildiriblər ki, holland müstəmləkə dövrünə aid qanunlar toplusunu əvəz edəcək yeni cəza məcəlləsi İndoneziyanın müstəqilliyinin və dindarlığının uzun müddətdir davam edən ifadəsidir.

“Dövlət vətəndaşlarını Allahın ən yüksək göstərişlərinə zidd olan davranışlardan qorumalıdır,” - Nəsir Cəmil, Çiçəklənən Ədalət Partiyasının siyasətçisi deyib. Onun sözlərinə görə, İndoneziyanın ideologiyasının Allaha inam üzərində qurulduğunu nəzərə alaraq, dəyişikliklər barədə bütün dinlərin liderləri ilə məsləhətləşmələr aparılıb.

Təqdim olunan qanunlara görə, “ər və arvad olaraq birlikdə yaşayan” evli olmayan cütlüklər altı ay müddətinə həbs cəzasına məhkum edilə bilər və ya bir çox İndoneziyalılar üçün üç aylıq maaş olan maksimum 10 milyon rupiya (710 dollar) cərimə ilə üzləşə bilər.

Hökümətin ən aşağı rəhbərlik orqanı hesab edilən kənd başçısı polisə şikayət edərsə və təqsirləndirilən şəxslərin valideynləri və ya övladları etiraz etmədikləri təqdirdə prokurorluq cinayət işi qaldıra bilər. Valideynlər, uşaqlar və həyat yoldaşları da şikayət edə bilərlər.

Digər bir millət vəkili olan Teuku Taufiqulhadi deyib ki, “zinanın qurbanı cəmiyyətdir.”

Cinayət Ədliyyə İslahatları İnstitutu deyib ki, milyonlarla İndoneziyalını yeni qanunlar tələyə sala bilər. İndoneziyalı yeniyetmələrin 40 faizi nikahdan əvvəl cinsi fəaliyyətlə məşğul olur, araşdırma qeyd edir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/cwb16z

Ən çox baxılan