Prezidentlərin görüşü

Mənbə: Azərtac

Başlıq: Prezidentlərin görüşü

Ermənistana silah satışının araşdırılması üçün Serbiya Azərbaycana nümayəndə heyəti göndərəcək

Serbiya Prezidenti İlham Əliyevi ölkəsinə səfərə dəvət edib

Azərbaycan Prezidentinin rəsmi saytının məlumatına görə, avqustun 7-də Serbiya Prezidenti Aleksandr Vuçiçlə İlham Əliyev arasında telefon danışığı olub.

Telefon danışığı zamanı Serbiyanın Ermənistana silah satması məsələsi müzakirə edilib.

Aleksandr Yuçiç Tovuz istiqamətində iyul ayında baş verən döyüşlərdə Ermənistan tərəfinin Serbiyada istehsal olunan silahlardan istifadə etməsindən təəssüf hissi keçirdiyini bildirib. O, bu vəziyyətin araşdırılması ilə bağlı yaxın vaxtlarda Azərbaycana Serbiyanın yüksəksəviyyəli nümayəndə heyətinin göndəriləcəyini qeyd edib. Daha sonra Serbiya prezidenti İlham Əliyevi ölkəsinə səfərə dəvət edib.

İlham Əliyev faktın araşdırılması və əməkdaşlığın perspektivlərinin müzakirə edilməsi üçün Serbiyadan yüksəksəviyyəli nümayəndə heyətinin göndərilməsi barədə qərarı məmnunluqla qarşılayıb.

İyulun 19-da “haqqin.az” informasiya portalı “hərbi mənbələr”ə əsaslanaraq xəbər yaymışdı ki, Azərbaycanla Ermənistan arasında baş vermiş silahlı qarşıdurmadan bir neçə gün əvvəl Tovuz-Tavuş rayonu sərhədində Serbiyadan Yerevana müxtəlif kalibrli minaatan döyüş sursatının iri partiyası çatdırıb. Silahların Gürcüstandan tranzitlə daşındığı bildirilib.

İyulun 20-də Serbiyanın Azərbaycandakı müvəqqəti işlər vəkili xanım Danitsa Veinoviç Azərbaycan Xarici İşlər Nazirliyinə çağırılıb və bu məsələ onun qarşısında qaldırılıb.

Serb tərəfi silah satışını etiraf edib. Ölkənin ticarət və telekommunikasiya naziri Rasim Ljajic bildirib ki, hazırda Ermənistana qarşı Avropa İttifaqı, BMT, ABŞ və Rusiya sanksiyaları mövcud deyil və rəsmi sanksiyaların olmadığı təqdirdə, hər hansı dövlətin, bu halda Ermənistanın istəyini rədd etmək çox çətindir. Bundan başqa nazir deyib ki, silah satışını dövlət şirkəti yox, özəl şirkət həyat keçirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/op1lfy

Ən çox baxılan