Ehsan Zahidov

Mənbə: Foto: arxiv

Başlıq: Ehsan Zahidov

Ehsan Zahidov: Tofiq Yaqublu ər-arvadı vintaçanla vurub

Məqalə yeniləndi:  23 Mart 2020

DİN rəsmisi siyasi fəala qarşı cinayət işi açıldığını təsdiqlədi

Daxili İşlər Nazirliyi Müsavat Partiyasının və Milli Şuranın üzvü Tofiq Yaqubluya qarşı cinayət işi başlanıldığı faktını təsdiqləyib.

Qurumun Mətbuat Xidmətinin rəisi Ehsan Zahidov “Report”a bildirib ki, martın 22-də günorta saat 15 radələrində paytaxtın Nizami rayon ərazisində Yaqublu Tofiq Rəşid oğlunun idarə etdiyi “Toyota Corolla” markalı avtomobil Cəbrayılov Elxan Səttar oğlunun idarə etdiyi “VAZ-2107” markalı avtomobillə toqquşub: ““Yol-nəqliyyat hadisəsi Tofiq Yaqublunun öz təqsiri üzündən baş verdiyi halda, o, əsaslı səbəb olmadan mübahisə edərək, Elxan Cəbrayılovu və onun sərnişini olan həyat yoldaşı Cəvahir Cəbrayılovanı yumruq və vintaçanla vuraraq onlara müxtəlif dərəcəli bədən xəsarətləri yetirib. Hadisə yerinə polis əməkdaşları gəliblər”.

E.Zahidov qeyd edib ki, faktla bağlı Nizami Rayon Polis İdarəsində Cinayət Məcəlləsinin 221.3-cü (xuliqanlıq, silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) maddəsi ilə cinayət işi başlanılıb, T.Yaqublu şübhəli şəxs qismində saxlanılıb.

“VAZ-2107” markalı avtomobilin sürücüsü E.Cəbrayılov və onun həyat yoldaşı C.Cəbrayılova isə iş üzrə zərərçəkmiş qismində tanınaraq dindiriliblər.

Hazırda cinayət işinin istintaqı davam etdirilir.

Tofiq Yaqublu hadisə baş verən zaman öz “Facebook” hesabında ona qarşı təxribat hazırlandığını yaymışdı. Onun qızı Nigar Həzi isə deyir ki, əvvəlcə Tofiq Yaqublunun park halında dayanmış maşını ilə başqa bir avtomobil arasında qəza baş verib. Sürücülər arasında çıxan mübahisədən sonra Tofiq Yaqublu "102" polis qaynar xəttinə zəng edib və daha sonra şəxslər Nizami Rayon Polis İdarəsinə aparılıb.

Nigar Həzi Tofiq Yaqublunun şikayətçi qismində polis idarəsinə getdiyini, lakin idarədə ona qarşı ittiham irəli sürüldüyünü deyib.

Həmçinin T.Yaqublunun vəkil Elçin Sadıqovla görüşünə icazə verilməyib.

Hazırda istintaqa müstəntiq Ramil Əliyev rəhbərlik edir. Polisdən Nigar Həziyə verilən məlumata görə, qəza törədən ər və arvad Tofiq Yaqubludan şikayətçi olublar. Nigar Həzi həmin adamları təxribatçı adlandırıb və göstəriş əsasında qəza törətdiklərini deyib:

"Atam guya maşından düşüb ər-arvadla dalaşıb və onlara xəsarət yetirib. Hələ ki, araşdırma gedir".

Daha əvvəl 19 oktyabr 2019-cu ildə Milli Şura və AXCP-nin mitinqində saxlanılan Tofiq

Yaqubluya 30 sutka həbs cəzası verilmişdi. Həmin vaxt o, polis zorakılığına məruz qaldığını deyirdi. Nigar Həzi həmin həbsdən sonra atasının səhhətində ciddi problemlər yarandığını, bu üzdən narahat olduğunu bildirir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  23 Mart 2020
Bölmələr:  
qısa linklər:   http://mtv.re/izj2sx

Ən çox baxılan