Beynəlxalq Bankın İdarə Heyətinin sabiq sədri, hazırda həbsdə olan Cahangir Hacıyevin həyat yoldaşı Zamirə Hacıyeva

Mənbə: Meydan.TV

Başlıq: Beynəlxalq Bankın İdarə Heyətinin sabiq sədri, hazırda həbsdə olan Cahangir Hacıyevin həyat yoldaşı Zamirə Hacıyeva

Britaniya məhkəməsi Zamira Hacıyevanın deportasiyasını durdurub

“Harrods”da silsilə alış-veriş zamanı 16 milyon funt sterlinq xərcləyən bankir arvadı saxtakarlıq ittihamı ilə Azərbaycana qaytarılmaqdan qurtulub, - “Telegraph” xəbər verir.

55 yaşlı Zamira Hacıyeva ərinin 14 il işlədiyi dövlət bankından milyonlarla manat mənimsəməkdə ittiham olunur.

Lakin Westminster Magistrates Məhkəməsinin hakimi cümə axşamı onun Azərbaycanda ədalətli mühakimə olunmayacağı qərarını verərək, Hacıyevanın ölkəsinə qaytarılmaması hökmünü çıxarıb.

Zamirə Hacıyeva Britaniyada ilk dəfə tətbiq edilən "İzahedilməz Sərvət Sərəncamı" (Unexplained wealth orders,UWO) çərçivəsində məhkəmə qarşısına çıxıb. Bu sərəncama əsasən, o, var-dövlətini hansı mənbədən əldə etdiyini açıqlamalı idi.

Milli Cinayət Agentliyi (NCA) ərinin korrupsiya ittihamı ilə mühakimə olunmasından sonra onun maliyyə durumunu araşdırmağa başlayıb.

Cütlük Naytsbrijdə (Knightsbridge) 11.5 milyon funt sterlinqlik bir ev və Berkşayrin Ascot şəhərində 10.5 milyon funt sterlinqlik bir qolf klubu satın alıb.

Məhkəmə sənədlərində qeyd olunur ki, Hacıyeva 2006-cı ildən bəri “Harrods”da etdiyi alış-veriş zamanı 16 milyon funt sterlinq xərcləyib. Bu məbləğin 1 milyon funt sterlinqini Hacıyevanın oyuncaq şöbəsində və 5.75 milyon funt sterlinqini isə zərgərlik dizaynerləri olan “Boucheron” və “Cartier”-ə xərclədiyi bildirilir.

O, “Naytsbric” mağazasının Belçikadakı şokolad autleti olan “Godiva”-da bir gündə 30.000 funt sterlinq və “La Perla” və “Agent Provocateur” alt paltarı mağazasında isə bir gündə minlərlə funt sterlinq xərcləyib.

Hacıyevanın əri 57 yaşlı Cahangir Hacıyev 2001-ci ildən 2015-ci ildə istefaya getməsinə qədər Azərbaycan Beynəlxalq Bankının (İBA) sədri olub və sonradan dələduzluq və mənimsəmə ittihamı ilə 15 il həbs cəzasına məhkum edilib.

Məhkəmə qeyd edir ki, o, rəhbər vəzifədəykən ildə 55.000 funt sterlinq maaş alıb. Lakin arvadının sərvəti ilə bağlı heç bir qanuni mənbəyə rast gəlinməyib.

Hacıyevanın hüquqşünasları iddia edirlər ki, o, siyasi inancına görə təqib edilib və bu səbəbdən deportasiya edilsə, o, keçmiş Sovet respublikası olan Azərbaycanda ədalətli mühakimə edilməyəcək.

Vəkilləri qeyd edirlər ki, pul xərcləmək cinayət deyil.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/7y63ab

Ən çox baxılan