Mənbə: Google

Bolqarıstan AB-ni Türkiyəyə miqrantlara görə ödəniş etməməkdə günahlandırıb

Bolqarıstanın Baş naziri Boyko Borisov Suriyadakı gərginliyin ardından Türkiyə Prezidenti Rəcəb Tayyib Ərdoğana qatılaraq Avropa Birliyini (AB) 2016-cı ildə imzalanmış qaçqın müqaviləsinin pozulmasında günahlandırıb, - RFE/RL xəbər verir.

Hər iki lider martın 2-də Türkiyənin AB-yə yollarını açdığı yeni qaçqın dalğasını müzakirə etdikdən sonra jurnalistlərin suallarını cavablandırıblar.

Ərdoğan minlərlə qaçqın üçün “qapıları açmağa” haqq qazandırıb və AB-ni Türkiyəyə təxminən 4 milyon suriyalı qaçqının yerləşdirilməsi üçün 6 milyard avro (6,68 milyard dollar) ödəməməkdə ittiham edib.

“Biz 40 milyard avro (44,56 milyard dollar) xərcləmişik. Söz verilmiş 6 milyard avronu isə onlar [Brüssel] ödəmədilər”,- o deyib: “İndi deyirlər ki, 1 milyard [avro] ayıracaqlar. Kimə yalan danışırsınız? Biz artıq bu pulu istəmirik. Bu pulu özümüz tapacağıq”.

Borisov deyib ki, AB bu pulu Türkiyəyə verəcəyinə səs verib: “Pulun niyə verilmədiyini başa düşə bilmirəm”.

Avropa Komissiyası pulun tam şəkildə verildiyini deyir və qeyd edir ki, pul Türkiyə dövlətinə deyil, qaçqın yardım təşkilatlarına ödənib.

AB həmçinin yaxın illərdə daha bir neçə milyard avro ayırmağa hazır olduğunu bildirib. Almaniya kansleri Angela Merkel Almaniyanın Suriyanın daxilində Türkiyənin nəzarətində olan ərazilərdə qaçqın evləri tikməyə hazır olduğunu bildirib.

Martın 2-də Türkiyə hakimiyyəti 18 min miqrantın AB-yə keçməsi barədə məlumat verib.

“1,5 milyona yaxın insan İdlibdəki evlərini tərk edib və Türkiyə sərhəddinə yaxın ərazidədir. Təəssüf ki, AB ölkələri Türkiyənin doqquz ildir daşıdığı yükü başa düşə bilmirlər”,- Ərdoğan deyib.

Merkel Türkiyənin bu hərəkətini “qəbuledilməz” adlandırıb. AB-nin Miqrasiya Komissarı Margaritis Şinas (Schinas) heç kim “AB-ni şantaj edə və ya qorxuda bilməz”,- deyib.

Ərdoğanın administrasiyası martın 2-də deyib ki, prezient Merkel ilə telefonla danışıb və bildirib ki, Avropa da miqrantlarla münasibətdə “yükün ədalətli payını” almalıdır.

Ərdoğanın əsasən Əfqanıstan, Suriya və İraqdan olan qaçqınların AB-yə doğru getmələri barədə xəbərdarlıq etdiyi bildirilir.

“Onlar daha çox olacaq. Tezliklə bu say milyonlarla ifadə ediləcək”,- Ərdoğan deyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/6ecis0

Ən çox baxılan