Eduard Dubakov

Mənbə: https://theworldnews.net/az-news

Başlıq: Eduard Dubakov

Bakıda terror cəhdində ittiham olunan Rusiya vətəndaşına 10 il həbs cəzası verildi

Eduard Dubakov özünü təqsirli bilmir, Azərbaycan xüsusi xidmət orqanları ilə əməkdaşlıq etdiyini deyir

Ermənilərin Qarabağda hərbi təlimlərində iştirak edib, daha sonra terror məqsədilə Bakıya gəlməkdə ittiham olunan Rusiya vətəndaşı Eduard Dubakovun mühakiməsi yekunlaşıb. İyulun 22-də Bakı Ağır Cinayətlər Məhkəməsində ona hökm oxunub. Hakim Samir Əliyevin sədrliyilə çıxarılan hökmə əsasən, Eduard Dubakov Cinayət Məcəlləsinin 214-3.1 (terrorçuluq məqsədi ilə təlim keçmə), 218.2 (Cinayətkar birlik, mütəşəkkil dəstənin tərkibində iştirak) və 318.2 (Azərbaycanın dövlət sərhədini qanunsuz keçmə) maddələrilə təqsirli bilinərək, 10 il azadlıqdan məhrum edilib. Hökmdə qeyd olunub ki, təqsirləndirilən şəxs cəzasını ciddi rejimli cəzaçəkmə müəssisəsində çəkməlidir. Cəzası başa çatandan sonra isə ölkədən deportasiya edilməlidir.

Hökmdən əvvəl Eduard Dubakov məhkəmədə son sözünü deyib. O bildirib ki, terrorçuluq və digər ittihamları qəbul etmir.

“Mənim günahım yoxdur. Özümü mənə qarşı irəli sürülmüş ittihamlar üzrə təqsirli bilmirəm. O ittihamlarda yazılanları qəbul eləmirəm. Mən Azərbaycan xüsusi xidmət orqanlarıyla əməkdaşlıq etmişəm. Bakıya da buna görə gəlmişdim. Məhkəmənin ədalətli qərar verəcəyinə inanıram”, - Eduard Dubakov təxminən bir dəqiqəlik son sözündə belə deyib.

Bundan sonra Samir Əliyevin sədrlik etdiyi hakimlər kollegiyası müşavirəyə gedib və az sonra geri qayıdaraq, hökmü elan edib.

Eduard Dubakov məhkəmədə ifadə verərkən özünü qismən təqsirli bildiyini deyib. Atasının Bakı ermənisi olduğunu, burada doğulub böyüdüyünü deyən təqsirləndirilən şəxs iddia edib ki, o, 2018-ci ildən Azərbaycan xüsusi xidmət orqanlarıyla əməkdaşlıq etdiyinə görə bu ilin yanvarında Bakıya gəlmişdi: “Bakıya həm pul mükafatını, həm də tapşırıq almağa gəlmişdim. Gəlişim barədə xəbər verdim, harada olduğumu dedim. Bulvarda qəfildən məni həbs elədilər”.

Eduard Dubakov eyni zamanda, Rusiya xüsusi xidmət orqanlarıyla da əməkdaşlıq etdiyini bildirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/h7s710

Ən çox baxılan