Mənbə: Мейдан ТВ

Avropa İttifaqı Azərbaycanı səfərlər üçün icazəli dövlətlər siyahısından çıxarıb

Məqalə yeniləndi:  10 Sentyabr 2021

Avropa İttifaqı (Aİ) Azərbaycan, Ermənistan və daha dörd dövləti COVID-19 pandemiyası şəraitində səfərlərə icazə verilmiş ərazilər və dövlətlər siyahısından çıxarıb.

Bu barədə Aİ Şurasının yaydığı bəyanatda deyilir.

Aİ öz vətəndaşlarına əsaslı səbəb olmadan bu ölkələrə səfəri tövsiyə etmir.

“Şura əsaslı səbəb olmadan səfərlərə məhdudiyyətlərin müvəqqəti ləğv olunduğu ölkə və ərazilərin siyahısını yeniləyib. Ermənistan, Azərbaycan, Albaniya, Serbiya, Bruney və Yaponiya həmçinin bu siyahıdan çıxarılıb, – bəyanatda deyilir. – Bu siyahıya daxil olmayan dövlətlərə əsaslı səbəb olmadan səfərlərə müvəqqəti olaraq məhdudiyyət qoyulub”.

Aİ Şurası elə bu qərarla siyahıya Uruqvayı da salıb.

Aİ-nin COVID -19 üzrə ağ siyahısı avqustun 30-u yenilənib, o vaxt həmin siyahıdan altı ölkə, o cümlədən ABŞ çıxarılıb. Hazırda səfərlərin həyata keçirilə biləcəyi dövlət və ərazilərin siyahısına 12 dövlət daxil edilib: Moldova, Ukrayna, Avstraliya, Yeni Zelandiya, Kanada, İordaniya, Bosniya və Herseqovina, Səudiyyə Ərəbistanı, Qətər, Sinqapur, Cənubi Koreya, Uruqvay.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  10 Sentyabr 2021
Bölmələr:  
qısa linklər:   http://mtv.re/40yjcc

Ən çox baxılan