Yunanıstan hökuməti 36 yaşlı Gürcüstan vətəndaşı olan etnik azərbaycanlını İranın xeyrinə ABŞ-nin Krit adasındakı hərbi-dəniz bazasını izləməkdə şübhəli bilərək saxlayıb. Saxlanma fevralın 3-də Afina hava limanında Yunan kəşfiyyatının məlumatı əsasında həyata keçirilib.
Mənbələr bildirir ki, saxlanılan şəxs xüsusi kodlaşdırılmış tətbiq vasitəsilə İrandakı mənbələrlə birbaşa əlaqə qurub. Onun telefonunda Suda körfəzindəki hərbi bazanın bir neçə fotosu aşkarlanıb və hazırda rəqəmsal sübutlar araşdırılır.
Rəsmi şəxslərin bildirdiyinə görə, Yunanıstan hakimiyyətləri hadisə ilə bağlı istintaq aparır və rəqəmsal sübutlar araşdırılır.
Şübhələnin Gürcüstan vətəndaşı olduğu, fevralın 3-də Almaniyadan gəldiyi və keçən ay Souda yaxınlığında bir oteldə qaldığı bildirilib. Mənbələrə görə, o, hələ ittihamlara münasibət bildirməyib.
Suda körfəzi Aralıq dənizində ABŞ təyyarədaşıyanları üçün strateji əhəmiyyət daşıyan bazalara ev sahibliyi edir, burada Yunanıstan, ABŞ və NATO-nun hərbi obyektləri yerləşir. ABŞ-ın USS Gerald R. Ford gəmisinin Yaxın Şərqə yola çıxmazdan əvvəl bazada yanacaq doldurub təchizat aldığı bildirilir. Saxlanılan şəxsin gəminin hərəkətlərini qeydə alıb-almadığı araşdırılır.
Qeyd olunur ki, ötən yay da eyni ərazidə 26 yaşlı azərbaycanlı casusluq şübhəsi ilə saxlanmışdı və onun da hərbi gəmilərin hərəkətini izlədiyi iddia olunurdu. Daha əvvəl Kiprdə 40 yaşlı bir şəxsin də saxlandığı, onun İslam İnqilabı Keşikçiləri Korpusu ilə əlaqəsi olduğu və hərbi obyektləri sənədləşdirdiyi bildirilmişdi.
“Greek Reporter”in məlumatına görə, Yunanıstan rəsmiləri saxlanılan şəxslərin İranın başçılıq etdiyi eyni casus şəbəkəsinə daxil olub-olmadığını araşdırır. Bu gün saxlanılan 36 yaşlı azərbaycanlı ötən il 26 yaşlı azərbaycanlının qaldığı otellə əlaqə saxlayıbmış.
