Rövşən Əsgərovun Jukovu təhqir etdiyi iddia olunur
Rusiya Daxili İşlər Nazirliyi “Nə? Harada? Nə vaxt?” televiziya oyununun iştirakçısı, azərbaycanlı jurnalist Rövşən Əsgərov barəsində axtarış elan edib.
Nazirliyin mayın 10-da yaydığı məlumatda qeyd olunub ki, aprelin sonunda İstintaq Komitəsinin müstəntiqləri Əsgərova qarşı nasizmin reabilitasiyası (Rusiya Federasiyası Cinayət Məcəlləsinin 354.1-ci maddəsinin 4-cü hissəsi) üzrə cinayət işi açıblar.
İstintaq iddia edir ki, o, aprelin 6-da “Facebook” səhifəsində Sovet İttifaqı marşalı Georgi Konstantinoviç Jukovun xatirəsini təhqir edən məlumatlar yazıb.
Əgər R.Əsgərov saxlanılarsa, onu 5 milyon rubla qədər cərimə və ya 6 ilədək müddətə azadlıqdan məhrumetmə cəzası gözləyir.
49 yaşlı Rövşən Əsgərov Azərbaycan və Rusiya vətəndaşıdır. Əsasən Moskvada yaşayır.
2009-cu ildən “Baku” jurnalının direktorudur.
Jurnalın baş redaktoru Heydər Əliyev Fondunun vitse-prezidenti Leyla Əliyevadır.
