Gənclər arasında qitə çempionu olan boksçu Pərviz Bağırov (69 kq) Avropa Oyunlarının qızıl medalına yiyələnib.
Apasport.az saytının məlumatına görə, həmyerlimiz finalda rusiyalı Aleksandr Besputindən üstün olub.
Gənc boksçumuz rəqibini 3:0 hesabı ilə məğlub etməklə, fəxri kürsünün ən yüksək pilləsinə qalxıb.
İnamlı qələbələrlə finala qədər irəliləyən Abdulqadir Abdullayev (91 kq) üçün isə həlledici görüşün prinsipial xarakterli olması gözlənilsə də, o, rinqə çıxmadan qalib elan olunub. Səbəb Ukraynanı təmsil edən erməni əsilli Qevorq Manukyanın sağlamlığında problem yarandığı üçün döyüşdən imtina etməsi olub.
Bununla da boksçularımızın qazandığı qızıl medalların sayı 6-ya çatıb.
