Diplomatik korpusun nümayəndələrinə Ermənistan-Azərbaycan qoşunlarının təmas xəttində yaranan gərginliklə bağlı məlumat verilib
Aprelin 4-də Azərbaycan Xarici İşlər Nazirliyində (XİN) ölkəmizdə akkreditə olunmuş xarici dövlətlərin diplomatik missiyalarının rəhbərlərinin iştirakı ilə toplantı keçirilib.
“Report”un məlumatına görə, görüşdə Ermənistan-Azərbaycan qoşunlarının təmas xəttində son zamanlar yaranan gərginliklə bağlı, o cümlədən atəşkəsin pozulması səbəbləri, ermənilərin müdafiənin ön xəttinə etdiyi basqın cəhdləri barədə səfirlərə məlumatlar təqdim edilib.
