Mənbə: Meydan Tv

Vaksin - Tunelin sonundakı işıq

Məqalə yeniləndi:  29 Dekabr 2020

Vaksinlərlə bağlı araşdırma

Dünya 2020-ci ildə COVİD-19 adlı koronavirus növü ilə tanış oldu. 80 milyondan artıq insanın tutulduğu bu virus artıq 2 milyona yaxın insanın həyatına son qoyub. Hazırda bütün dünyada pandemiyanın daha ağır olan 2-ci dalğası davam edir. Xəstəxanalar dolur, ölü sayı artır, virus mutasiyalara uğrayır, iqtisadiyyata ciddi zərər gəlir və insanlar dünyada xeyli məhdudiyyətlərlə üz-üzədir… Ancaq dünyada nəhəng şirkətlərin aylardır üzərində işlədiyi koronavirus əleyhinə vaksinlər rekord tezliklə pozitiv nəticələrini verməyə başlayıb. Artıq ABŞ, Kanada, Rusiya, Çin, İsrail və xeyli sayda Avropa ölkəsi vaksinasiyaya başlayıb. Dünya Səhiyyə Təşkilatı bunu tunelin sonundakı işıq kimi xarakterizə edib və normal həyata qayıdış üçün böyük ümidlər yaratdığını bildirib.

Dünyada bundan əvvəlki pandemiyalar zamanı peyvəndlərin hazırlanması bəzi xəstəliklərdə 105 il, bəzilərində 10 il çəkib. Amma koronavirusa qarşı artıq yüzlərlə şirkətin hazırladığı vaksin sınaq mərhələsindədir. Amma bu yüzlərlə peyvənddən hələlik bir neçəsi böyük kütlələrdə sınanılıb, effektik dərəcəsi müəyyən olunub və artıq insanlara vurulmağa başlayıb. Bunlar Almaniya və ABŞ şirkətləri “Biontech-Pfizerin” birgə istehsal etdiyi peyvənd, Rusiya şirkətinin istehsal etdiyi “Sputnik V”, yenə ABŞ şirkəti Modernanın istehsal etdiyi vaksin, Çinin “KoronaVak” peyvədi və Oksford Universitetinin hazırladığı vaksinlərdir. Bu vaksinlərin arasında “Biontech” və “Moderna”nın istehsalı zamanı tarixdə ilk dəfə ən yeni mRNT texnologiyası istifadə edilib. Bu da, ənənəvi vaksin hazırlamadan fərqlənir. Ənənəvi peyvəndlər zəiflədilmiş virusun insan bədəninə vurularaq, vücudun ona qarşı mübarizəni öyrənməsi yolu ilə tətbiq olunur. Amma mRNT vaksinləri əsasən virusların genetik kodunun fraqmentlərindən ibarətdir. Orqanizmə daxil olarkən vaksin insan hüceyrələrini virus zülallarının istehsalına təhrik edir. Öz növbəsində zülallar isə immun reaksiyasına səbəb olur.

“Biontech” firmasında 2 türk alimin hazırladığı peyvənd hal-hazırda qərb ölkələri tərəfindən təsdiqlənib və vurulmasına başlanılıb. Bu vaksini hazırlayan Uğur Şahin və Özləm Türeci ‘’Financial Times’’ qəzeti tərəfindən ilin adamı seçildilər. Ancaq Azərbaycanın bu vaksini seçməyəcəyi görünür.

Hələlik Azərbaycanın hansı şirkətlə müqavilə bağladığı açıqlanmır. Böyük dövlətlər bir çox şirkətdən sifariş veriblər. Buna da səbəb sifarişlərin çox sayda olması və vaxtında çata bilməyəcəyi hesab olunur.

Maliyyə naziri Samir Şərifov parlamentin iclasında deyib ki, gələn ilin əvvəlindən planlaşdırılan COVİD-19 vaksinləri dövlət hesabına olacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  29 Dekabr 2020
Bölmələr:  
qısa linklər:   http://mtv.re/snzrf0

Ən çox baxılan