Elmira Rəhimova: "Səhhətim normaldır, özümü yaxşı hiss edirəm"
"İki gün öncə hərarətim qalxdığı üçün məni xəstəxanaya yerləşdirdilər. Səhhətim indi normaldır, özümü yaxşı hiss edirəm".
Bunu Meydan TV-yə xalq artisti Elmira Rəhimova deyib.
Müğənni bildirib ki, FHN-nin “Zığ” Modul Tipli Hospitalına müalicə olunur.
COVİD-19 virusuna yoluxan sənətçi yüksək təzyiq və şəkər xəstəliyindən əziyyət çəkir.
Elmira Rəhimova 1941-ci ildə Bakıda doğulub. O, xalq arasında daha çox "Tələbəlik illəri" mahnısı ilə tanınır.
