Çəkilişlərin hansı müddətə dayandığı açıqlanmayıb
Britaniya kral ailəsindən bəhs edən “Tac” (“The Crown”) serialının altıncı mövsümünün çəkilişləri II Elizabetın ölümü ilə əlaqədar bir müddət dayandırılacaq.
Serialın ssenari müəllifi və prodüseri Piter Morqan bu haqda məlumat verib.
O, çəkilişlərin nə qədər müddətə dayandırılacağını bildirməyib.
2016-cı ildə “Netflix”də serialın premyerasından sonra layihənin digər prodüseri Stiven Daldri II Yelizaveta vəfat etdiyi təqdirdə çəkiliş prosesinin dayandırılacağını bildirdiyi qeyd olunur.
“Tac” serialı 2016-cı ildən etibarən “Netflix”də yayımlanmağa başlayıb.
Serialın ilk dörd mövsümü 1940-cı illərdən 1990-cı illərin əvvəllərinə qədər II Elizabetin həyatını və hakimiyyətini əhatə edir.
İlk iki mövsümdə kraliça rolunu Kler Foy, üçüncü və dördüncü mövsümdə Oliviya Kolman canlandırıb.
Beşinci və altıncı mövsümlərdə II Elizabet rolunu İmelda Stounton oynayacaq.
Beşinci mövsümün buraxılışı 2022-ci ilin noyabrına planlaşdırılıb.
2022-ci il sentyabrın 8-də Bukingem Sarayı Böyük Britaniya kraliçası II Elizabet 96 yaşında vəfat etməsi haqda məlumat yayıb.
