Mənbə: Meydan TV

Piyada keçidi, sürət həddi, işıqforu olmayan yol

Piyada keçidi, sürət həddi, işıqforu olmayan yol

Piyada keçidi olmayan bu yolda yanvar ayından bəri 4 nəfəri maşın vurub” bunu hər gün bu yoldan istifadə edən sakinlər deyir. Sabunçu rayonu, Bakıxanov qəsəbəsi, Bəşir Bünyadov küçəsində yolu keçənlər ölümlə üz-üzə gəlir. Sakinlər yolun qarşısındakı dayanacağa getmək üçün yarım kilometr yol qət etmək məcburiyyətindədirlər.

Keçidin dayanacaq yaxınlığında olmaması tək piyadalar üçün yox, sürücülərə də problem yaradır.

Ötən il Prezident İlham Əliyevin sərəncamı ilə işıqforların və yol nişanlarının quraşdırılması, yerlərinin müəyyən edilməsi və dəyişdirilməsi Bakı Nəqliyyat Agentliyinə verilib. Sakinlərin sözlərinə görə, həmin vaxta qədər orada keçid olub. Daha sonra agentlik ərazidəki piyada keçidini yığışdırıb. 2018-ci ilin noyabr ayında BNA sakinlərdən ünvanlanan müraciətə rəsmi cavab verib və ərazidə piayada keçidinin quraşdırılmasını məqsədəuyğun hesab edib. Lakin hələ də tətbiq edilməyib. Məsələ ilə bağlı BNA-nın mətbuat xidmətinin rəhbəri Mais Ağayev isə bildirdi ki, adıçəkilən küçədə təmir işləri yeni bitib. Tezliklə, orada piyada keçidi yenidən bərpa olunacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/9t99m0

Ən çox baxılan