Mənbə: Meydan TV

Oktay Gülalıyev üçün 10 minə yaxın pul yığıldı

Oktay Gülalıyev üçün 10 minə yaxın pul yığıldı

Pullar hüquq-müdafiəçisi Oktay Gülalıyev üçün yığılır.

Oktay Gülalıyevin müalicə xərclərini qarşılamaq üçün Müsavat Partiyasının qərargahında xeyriyyə marafonu keçirilib. Marafonda partiya üzvləri, fəallar və sadə vətəndaşlar ianə verib.

Repressiya və işgəncələr əleyhinə komitənin sədri Oktay Gülalıyev aprel döyüşlərindən, Gəncə hadisələrindən sonra həbs olunanların müdafiə işini aparıb. Bu gün xeyriyyə marafonunda həbs olunanların valideynləri də iştirak edirdi.

Oqtay Gülalıyevi oktyabrın 29-da Bakının mərkəzində maşın vurub. Nəticədə o komaya düşüb. Hazırda Heydər Əliyev Fondunun dəstəyi ilə Oktay Gülalıyevin müalicəsi Türkiyənin “Amerika xəstəxanası“nda davam etdirilir. Onun vəziyyətində yaxşılığa doğru cüzi dəyişiklik hiss olunduğu bildirilir. Fond sonuncu açıqlamasında hüquq müdafiəçisinin müalicəsi üçün daha 10 gün dəstək verəcəyini bildirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/vt9jcx

Ən çox baxılan