Tamaşalara biletlər daha öncədən satılıb
Sankt-Peterburqun Mariinski Teatrında azərbaycanlı bəstəkar Fikrət Əmirovun “Min bir gecə” baletinin nümayişi olub.
“Mariinsky.ru” Состоялась петербургская премьера балета «Тысяча и одна ночь»
sayt
ı yazır ki, tamaşa yanvarın 15-dən 22-dək Mariinski Teatrının Primorski filialının Sankt-Peterburqa qastrol səfəri proqramı çərçivəsində təqdim edilib. Səfər zamanı həmçinin Pyotr Çaykovskinin “Yatmış gözəl”, Adolf Adanın “Korsar” baletleri də nümayiş olunub.
Xəbərdə deyilir ki, Mariinski Teatrının Primorski səhnəsinin baş baletmeysteri Eldar Əliyevin quruluş verdiyi “Min bir gecə” baleti Sankt-Peterburqda son zamanlarda baş verən ən əlamətdar mədəni hadisələrdən birinə çevrilib:
“Bütün dörd tamaşaya biletlər daha öncədən satılıb və yerli ictimaiyyətin böyük marağına səbəb olub”.
Tamaşaları Azərbaycan Dövlət Akademik Opera və Balet Teatrının baş dirijoru və musiqi rəhbəri, əməkdar artist Əyyub Quliyev idarə edib.
Tamaşada əsas partiyaları Anna Samostrelova, Renata Şakirova (Şəhrizad), Sergey Umanets, Kanat Nadırbek (Şəhriyar), Denis Qolov, Gilermo Junio oynayıb.
Tamaşanı izləyən qonaqlar sırasında Rusiyanın Primorski bölgəsinin qubernatoru Oleq Kojemyako da olub.
Azərbaycanlı musiqiçilərin Sankt-Peterburqa səfəri Azərbaycanın Rusiyadakı səfirliyi tərəfindən təşkil olunub.
