Bidzina İvanişvili Mixail Kavelaşvilini namizəd kimi təqdim edib
“Xalq Gücü”nün liderlərindən biri, keçmiş futbolçu Mixail Kavelaşvili “Gürcü Arzusu”nun prezidentliyə namizədi seçilib. Onu partiyada keçirilən brifinqdə “Gürcü Arzusu”nun fəxri sədri Bidzina İvanişvili təqdim edib. Mixail Kavelaşvili 2016-cı ildən Gürcüstan parlamentinin üzvüdür.
Prezidentliyə namizəd partiyanın fəxri sədrinə təşəkkür edib.
Onun parlamentin saytında dərc olunmuş tərcümeyi-halında təhsillə bağlı sahə boşdur. Gürcüstanın Seçki Məcəlləsinə görə, prezidentliyə namizədin ali təhsil haqqında sənəd təqdim etməsi məcburi deyil. Onların arasında namizəd orta təhsil (məktəb) haqqında hər hansı sənəd təqdim etməyə də borclu deyil.
Mixail Kavelaşvili “Gürcü Arzusu” Partiyasının digər liderləri ilə birlikdə 2022-ci ilin avqustunda, ölkə Aİ üzvlüyünə namizəd statusunu gözlədiyi bir vaxtda “Xalq hakimiyyəti” Hərəkatını yaradıb. Hərəkat ilk günlərdən anti-Qərb ritorikası ilə seçilib.
2022-ci il avqustun 26-da hərəkat bəyanat yayaraq, ölkənin əsas tərəfdaşı olan ABŞ-nin səfirliyinin Gürcüstanın “hökumətini devirmək üçün hər şeyi etdiyini” yazıb.
2023-cü ildə “Xalq hakimiyyəti” minlərlə insanın küçələrə çıxmasına səbəb olan və Gürcüstanın tərəfdaşlarının dediyi kimi, ölkəni avrointeqrasiyadan uzaqlaşdıran “Agentlər qanunu”nun təşəbbüskarı olub.
Mixail Kavelaşvilinin təhsilini təsdiq edən məlumatlara açıq mənbələrdə rast gəlinmir.
Kavelaşvili parlamentin fəal üzvüdür. Qanunvericilik orqanının internet saytında digər məlumatlarla yanaşı, deputatların bioqrafik məlumatları dərc olunur, orada deputatların iş təcrübəsi və təhsili barədə yazılır.
Məsələn, Mixail Kavelaşvilinin komanda yoldaşı Sozar Subar (hər ikisi anti-Qərb və homofob bəyanatları ilə tanınan “Xalq hakimiyyəti” siyasi qrupunu təmsil edir) öz bioqrafiyasında ali təhsilini Tbilisi Dövlət Universitetində aldığını yazıb. Mixail Kavelaşvilinin bölməsində təhsillə bağlı sahə boşdur.
2015-ci ildə Mixail Kavelaşvili Gürcüstan Futbol Federasiyasının prezidenti vəzifəsinə o zaman ali təhsilini təsdiq edən sənədi olmadığı üçün namizədliyini irəli sürə bilməyib.
“Sovet İttifaqı dövründə elə bir sistem var idi ki, futbolçunun ali təhsil alması mümkün deyildi. Bu təcrübə bütün dünyada mövcuddur. Hətta UEFA prezidenti Platininin də ali təhsili yoxdur. Düşünürəm ki, bu, mənə qarşı yönəlmiş düşünülmüş qərardır. Ona görə də bu qərardan mütləq məhkəməyə şikayət edəcəyəm və öz həqiqətimi sübut etməyə çalışacağam. Reqlament iki il əvvəl Futbol Federasiyası tərəfindən qəbul edilib və mən onun ləğvini tələb edirəm” – deyə, Mixail Kavelaşvili 2015-ci ildə deyib.
Futbol Federasiyasının prezidentliyinə namizəddən fərqli olaraq, Gürcüstan prezidentliyinə namizədin ali təhsilli olması tələb olunmur.
“Gürcü Arzusu” liderlərindən Mamuka Mdinaradze deyib ki, vətən sevgisi üçün diplom lazım deyil.
Jurnalistin prezidentliyə namizəd Mixail Kavelaşvilinin təhsili ilə bağlı sualını parlament çoxluğunun lideri Mamuka Mdinaradze cavablandırıb.
Onun sözlərinə görə, “Vətənə sevgi, sədaqət və elementar səriştələri dərk etmək üçün diplom tələb olunmur”:
“Millət vəkilinin diploma ehtiyacı olmaya bilər, əksinə ictimai, vətənə sadiq və peşəkar olsun. Baxın, bizim prezidentlərin iki diplomu var idi, ölkəni onlarmı qurdular?”, – deyə Mamuka Mdinaradze bildirib.
“Gürcü Arzusu”nun fəxri sədri Bidzina İvanişvili noyabrın 27-də Mixail Kavelaşvilinin prezidentliyə namizədliyini irəli sürüb.
