Mənbə: RİA-Novosti

Ermənistan-Azərbaycan sərhədində rusiyalı sərhədçilər yerləşdiriləcək?

Ermənistanın Geqarkunik vilayətinin qubernatoru Qnel Sanosyan Azərbaycanla sərhəddə rusiyalı hərbçilərin yerləşdiriləcəyini elan edib. Bu barədə iyunun 21-də “Sputnik Ermənistan” xəbər verib.

“Geqarkunik vilayətində rusiyalı sülhməramlıların yerləşdirilməsi barədə danışıqlar gedir, lakin son qərar hələ verilməyib”, -Ermənistan Baş qərargahının rəisi Artak Davtyan çərşənbə axşamı jurnalistlərə deyib.

Bundan əvvəl Geqarkunikin qubernatoru Qnel Sanosyan “Sputnik Ermənistan”a söyləyib ki, Azərbaycan hərbi hissələrinin Ermənistan Respublikası ilə sərhədi pozduğu sahələrdə yaxın günlərdə rusiyalı sərhədçilər yerləşdiriləcək. Onun söylədiyinə görə, qərar təkcə erməni tərəfindən asılı deyil, danışıqlar davam edir.

Sanosyan bəyan edib ki, vilayət administrasiyasının rəhbəri kimi, müvafiq məlumata malikdir. Onun dediyinə görə, üçtərəfli danışıqlar gedir, Rusiya yaxın günlərdə bölgədə mövcudluğunu təsdiqləyəcək: “Hərbçilər Azərbaycanın pozduğu sahələrdə yerləşdiriləcək”.

“Həm biz, həm onlar (azərbaycanlılar) qoşunları geri çəkəcək. Zənnimcə, bu, hər an partlamağa hazır vəziyyətdə toqquşmanın və atışmanın meydana gəlməməsi üçün yaxşı qərardır. Sərhəddə sabitlik qurulacaq”, – Sanosyan deyib.

Bundan əvvəl Ermənistanın müdafiə naziri vəzifələrini icra edən Vaqarşak Arutyunyan rusiyalı həmkarı Sergey Şoyqu ilə FTX sərhədçilərinin Ermənistanla Azərbaycan sərhədində – Sünik və Geqarkunik vilayətlərində yerləşdirilməsi ehtimalını müzakirə edib.

“Son tarix və texniki detallar müəyyənləşəndə, bu barədə əlavə məlumat verəcəyik”, – Davtyan söyləyib.

Baş qərargahın rəhbəri “Azərbaycan tərəfinin razılığı alınıbmı” sualına cavab olaraq qeyd edib ki, Ermənistan ərazisi ilə bağlı məsələlər üzrə “Azərbaycandan heç nə soruşmaq lazım deyil”. Əvəzində Rusiya tərəfi ilə danışıqlar gedir. Azərbaycanın Müdafiə Nazirliyi hələlik məsələ ilə bağlı açıqlama verməyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/8n4u1v

Ən çox baxılan