Azərbaycan çempionu Xorvatiya klubuna məğlub olub
“Qarabağ” komandası avqustun 20-də UEFA Çempionlar Liqasının (ÇL) pley-off mərhələsi çərçivəsində ilk oyununu keçirib.
Qurban Qurbanovun baş məşqçisi olduğu komanda Xorvatiyada “Dinamo” (Zaqreb) klubunun qonağı olub.
“Maksimir” stadionunda keçirilən oyun saat 23:00-da start götürüb.
Qarşılaşma “Qarabağ”ın məğlubiyyəti ilə başa çatıb. “Köhlən atlar” Xorvatiya səfərində 0:3 hesablı məğlubiyyətə üzülüb.
Komandalar arasında cavab görüşü avqustun 28-də Bakıda keçiriləcək.
