Anar Kərimovla təmasda olan nazirlik işçiləri karantinə alınıblar
Mədəniyyət naziri Anar Kərimov yeni növ koronavirus (COVID-19) infeksiyasına yoluxub.
Nazirliyin məlumatına görə, nazirin analiz nümunəsinin nəticəsi müsbət çıxdığından o, karantinə alınıb.
“COVID-19 virusuna yoluxan Anar Kərimov 16 aprel 2021-ci il tarixindən müalicə olunur və hazırda vəziyyəti stabildir”, – nazirliyin məlumatında bildirilir.
Anar Kərimovla yaxın təmasda olan Mədəniyyət Nazirliyinin əməkdaşlarının da qaydalara uyğun olaraq karantinə alındığı və bir müddətdir fəaliyyətlərini məsafədən həyata keçirdikləri bildirilib.
