İnternet

Mənbə: arxiv

Başlıq: İnternet

Azərbaycanda internetlə bağlı məhdudiyyətlər hələ qalacaq

İqtisadçı: “Məhdudiyyət iqtisadiyyata ciddi zərbə vurur”

“Azərbaycan və Ermənistan arasında bu gün qüvvəyə minmiş atəşkəs humanitar məqsədlidir, yəni müvəqqətidir. İki ölkənin informasiya savaşı isə davam edir”.

“Report”a açıqlamasında Nəqliyyat, Rabitə və Yüksək Texnologiyalar Nazirliyinin mətbuat katibi Günel Gözəlova belə deyib.

Nazirlik rəsmisi sentyabrın 27-dən ölkə üzrə internetin verilməsinə tətbiq edilmiş məhdudiyyətin hələlik ləğv edilməyəcəyini bildirib: “Bildiyimiz kimi, Azərbaycan ərazisində internet var, sadəcə Ermənistanın törətdiyi genişmiqyaslı təxribatın qarşısının alınması üçün məhdudiyyət tətbiq edilib. Hələ ki, məhdudiyyətin ləğvinə dair yeni qərar yoxdur, veriləcək istənilən qərar ictimaiyyətə mətbuat vasitəsilə açıqlanacaq".

Günel Gözəlova

Günel Gözəlova

Mənbə: google.az

Məsələyə münasibət bildirən iqtisadçı Toğrul Maşallı öz “Telegram” səhifəsində yazıb ki, internetlə bağlı məhdudiyyətlər iqtisadiyyata ciddi zərər vurur:

“Yəni indiki halda yalnız sosial şəbəkələr yox, həmçinin digər imkanlar da məhdudlaşıb. Bu proses bütün ölkə üzrə baş verir. “The NetBlocks Cost of Shutdown Tool” alətinin hesablamalarına görə, Azərbaycanda 1 günlük internetin tam məhdudlaşdırılması iqtisadiyyata 44,8 milyon dollarlıq zərər vurur. 13 gün ərzində isə bu rəqəm 582,4 milyon dollar təşkil edir. İnternet tam məhdudlaşdırılmayıb deyə, bu rəqəm təxmini 200-250 milyon dollar civarında ola bilər (nəzərə almaq lazımdır ki, sosial şəbəkələr bir çox hallarda yerli internet iqtisadiyyatının vacib hissəsidir”.

Toğrul Maşallı

Toğrul Maşallı

Mənbə: Facebook

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/nmim5m

Ən çox baxılan