649 nəfərin virusa yoluxduğu bildirilir
Mayın 8-də Azərbaycanda 649 nəfər COVID-19) infeksiyasına yoluxub.
Bu barədə Nazirlər Kabineti yanında Operativ Qərargah məlumat yayıb.
Bildirilir ki, 1720 nəfər sağalıb, analiz nümunələri müsbət çıxan 16 nəfərin vəfat etdiyini göstərib.
Operativ Qərargah Azərbaycanda indiyə qədər 326 056 nəfərin yeni koronavirus infeksiyasına yoluxduğunu bildirib: "Onlardan 304 580 nəfər müalicə olunaraq sağalıb, 4 666 xəstə ölüb. Hazırda aktiv xəstə sayı 16810 nəfərdir".
Qərargah son sutkada yeni yoluxma hallarının müəyyənləşdirilməsi ilə əlaqədar 10 244, ötən müddətdə isə ümumilikdə 3 321 511 testin aparıldığını vurğulayıb.
