Azərbaycan çempionu Norveç klubunu məğlub edib
“Qarabağ” klubu sentyabrın 21-də UEFA Avropa Liqasının qrup mərhələsində ilk oyununu keçirib.
Azərbaycan çempionu ilk turda Norveçin “Molde” klubu ilə qarşılaşıb.
Bakıdakı Tofiq Bəhramov adına Respublika stadionunda keçirilən oyun saat 20:45-də başlayıb.
Qarşılaşma “Qarabağ”ın 1:0 hesablı qələbəsi ilə başa çatıb. Bununla da, Ağdam təmsilçisi Avropa Liqasının qrup mərhələsinə uğurla start verərək, hesabına üç xal yazdırıb.
H qrupunun digər matçında Almaniyanın “Bayer” komandası İsveçin “Hakken” klubunu qəbul edib. Oyun almanların qələbəsi ilə bitib – 4:0.
Bu nəticələrdən sonra H qrupunda “Bayer” 3 xalla liderliyə yüksəlib. Eyni xala malik olan “Qarabağ” ikinci, xalları olmayan “Molde” və “Hakken” isə 3-4-cü pillələrdə qərarlaşıb.
