Zabitin hansı şəraitdə olduğu açıqlanmayıb
Yanvarın 29-da Kəlbəcərdə itkin düşən zabitin nəşinin tapıldığı deyilir.
Bu barədə Azərbaycan Müdafiə Nazirliyi məlumat yayıb.
Nazirlik bildirib ki, itkin düşən baş leytenant Fuad Bağırovun nəşi yanvarın 31-i saat 12:30-da tapılıb.
Artıq zabitin nəşinin ərazidən çıxarıldığı bildirilir: “Axtarışa şəxsi heyət və xüsusi texnika, eləcə də Fövqəladə Hallar Nazirliyinin əməkdaşları cəlb olunmuşdu”.
Şənbə günü Kəlbəcərin Alagöllər ərazisində Azərbaycan ordusunun 4 hərbçisinin istiqaməti itirərək azdığı barədə məlumat yayılmışdı.
Müdafiə Nazirliyi keçirilən axtarışlar nəticəsində yanvarın 29-u səhər saatlarında kiçik çavuş Cavad Hüseynovun, əsgərlər Maşallah Hüseynovun və Yasin Kərimovun tapıldığı haqda məlumat yaysa da, baş leytenant F.Bağırovun tapılmadığını bildirmişdi.
