Serialın ikinci və üçüncü mövsümü də bu platformada yayımlanacaq
“Kalmar oyunu”nun (“Squid Game”) yaradıcısı Hvang Dong-hyuk serialın ikinci və üçüncü mövsümlərinin nümayişi üçün “Netflix”lə danışıqlara başlayıb.
Rejissor ötən ilin noyabrında serial izləyicilərinin “Kalmar oyunu”nun ardının çəkilməsində israr etdiklərini demişdi.
“Kalmar oyunu” “Netflix”də 2021-ci ilin sentyabrında nümayiş olunub.
Serial qəhramanları uşaq oyunlarının ölümcül təhlükəli versiyasında böyük mükafat məbləği uğrunda mübarizə aparırlar.
Hadisələr Cənubi Koreyanın hər yerindən yüzlərlə marginalların gətirildiyi, adı açıqlanmayan adadakı nəhəng gizli kompleksdə baş verir.
Serialın qəhrəmanları öz istəkləri ilə uşaq oyunlarının ölümcül versiyalarında 45,6 milyard von, yəni 38 milyon dollar məbləğində mükafat uğrunda mübarizə aparırlar.
Sonda bir nəfər sağ qalır və 38 milyon dolların sahibi olur.
