Источник: Meydan TV

Xalası: Yunis Elmar Vəliyevin Gəncə camaatına qarşı haqsızlıqlarına, qəddarlığına dözmədi

Mehriban Məmmədova məhkəmənin ədalətli aparılacağına inanmır

Gəncənin keçmiş icra başçısı Elmar Vəliyevə qarşı sui-qəsddə ittiham olunan Yunis Səfərovun xalası Mehriban Məmmədova iddia edir ki, onun xaricdəki dini qruplaşmalarla əlaqəsi yoxdur. Onun sözlərinə görə, bacısı oğlu icra başçısının təhqirinə görə bu hadisəni törədib.

Gəncədə yaşayan və uzun illərdir bu şəhərdə müəllimlik edən M.Məmmədova deyir ki, Yunisi də elə özü böyüdüb: “Mən onu əlimdə böyütmüşəm. O, qarışqanı belə tapdalamaq istəməyən, kimsəyə ziyan vurmayan adam idi. Yunis Elmar Vəliyevin Gəncə camaatına qarşı haqsızlıqlarına, qəddarlığına dözmədi. Adamlara zülm eləyirdi. Bunlar bir yana, Şah Abbas məscidində, İmamzadə ziyarətgahında Aşura mərasimini keçirməyə də imkan vermirdi. Bununla da kifayətlənmədi. İmamzadə ziyarətgahının yanındakı İmam Hüseyn meydanında bütün gəncəliləri təhqir etdi. Dedi ki, “Gəncədə kişi yoxdur”. Elmar Vəliyevin bu təhqirini Gəncədə hamı bilir. Yunis bu təhqirlərə dözmədi”.

Xalasının dediyinə görə, Y.Səfərovun icra başçısından başqa kiməsə xəsarət yetirmək niyyəti olmayıb. Bu günə qədər yaxınlarının Yunislə görüşə, hətta telefonla da danışa bilmədiyini vurğulayan M.Məmmədova bildirir ki, bir neçə dəfə müraciət etsələr də, imkan verilməyib: “O, mənim balamdır. Ona qarşı olunanlar həm bir ana, həm də bir vətəndaş kimi mənə çox pis təsir edir. O hərəkəti eləyib, ona uyğun da cəzasını kəsin. Amma ona elə işgəncələr verdilər... Daim təzyiq altında saxlayırlar. Heç kimlə görüşməyə, telefonla danışmağa qoymurlar. Anası neçə vaxtdır onunla əlaqə saxlaya bilmir. Qardaşım (dayısı) da onunla görüşmək üçün müraciət edib. Amma görüş verməyiblər”.

Y.Səfərovun məhkəməsi yeni başlayıb. Amma xalası məhkəmənin gedişindən narazıdır. Deyir ki, prosesin gedişi bu işə düzgün baxılacağına şübhə yaradır: “Danışmağa imkan vermirlər. Vəsatətlər təmin olunmur”

M.Məmmədova E.Vəliyevin vurulmasının terror, dövlət çevrilişinə cəhd kimi təqdim olunmasına da etiraz edir. O bildirir ki, Y.Səfərovun xarici dini qruplarla əlaqəsi olması, terror törətmək məqsədilə təlimlər keçməsi haqda yayılan məlumatlar həqiqətəuyğun deyil: “Yalandır. O “Youtube”dakı video da quramadır”.

M.Məmmədova bu işin obyektiv araşdırılması, ədalətli hökm çıxarılması üçün prezident İlham Əliyev və Birinci vitse-prezident Mehriban Əliyevaya da müraciət edib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/wg72ap

Самое читаемое