Source: Meydan.TV

Qarabağ əlili: “Sahibkarlar torpağımızı almaq üçün suyumuzu kəsirlər”

Qarabağ əlili: “Sahibkarlar torpağımızı almaq üçün suyumuzu kəsirlər”

“Böyük torpaq sahibləri bizim suyumuzu kəsir ki, istifadəsiz qalmış torpaqları əlimizdən dəyər-dəyməzə alsınlar”.

Bu sözləri İmişli rayon Qaravəlli kənd sakini 1-ci qrup gözdən əlil Əli Əliyev deyir.

Onun sözlərinə görə, bu il həmin kənd sakini, 2-ci qrup Qarabağ əlili Bəhlul Nəhmətovla birlikdə pay torpaqlarında bostan əkmək qərarına gəliblər. Həyətyanı sahələrində olan mal-qaranı sataraq bu işə sərf ediblər. 2.7 hektar sahədə bostan əkiblər, bostana hər cür qulluq göstəriblər.

Sahənin suvarılma vaxtı çatıqda suvarma suyu qıtlığı səbəbi ilə tağları yanıb. Şikayətçinin sözlərinə görə, suyun olmamasının səbəbi kəndin yuxarısında yerləşən böyük sahibkarların su kanalını kəsərək öz təsərrüfatlarına yönləndirməsi olub. Əli Əliyev deyir ki, dəfələrlə aidiyyatı qurumlara – İmişli Rayon İcra Hakimiyyətinə, Melorasiya və Su Təsərrüfatı Açıq Səhmdar Cəmiyyətinə müraciət etsə də, onun əkin sahəsi su ilə təmin edilməyib. Nəticədə qarpız tağlarının üzərindəki məhsul büzüşərək məhv olub, tağlar isə yanıb.

Təsərrüfata 3 mindən artıq vəsait sərf edən şəriklər bu vəsaiti kimdən alacağını bilmədiklərini deyirlər. Digər şərik Bəhlul Nəhmətov deyir ki, o, hələ də bədənində qəlpə gəzdirir və iki dəfə ürək əməliyyatı keçirib:

“Kiminsə qapısında durub pul istəmirəm, kiminsə qazancına şərik olmuram. Öz zəhmətimlə ailəmi dolandırmağa çalışıram, amma məni ailə dolandırmağa qoymurlar. Bu ölkədə yaşamaq mənim haqqım deyil? Niyə mənim suyumu kəsirlər? Aylardır zəhmət çəkib becərdiyim bostanı susuzluqdan məhv edirlər. Aylardır iki əlil ailəsi bu sahədə zəhmət çəkir, qarşılığı heç nə. Düşmən-düşmənə bunu etməz”.

İmişli Rayon İcra Hakimiyyətindən Meydan TV-yə deyilib ki, kəndlərin əksəriyyətində susuzluq problem var və qurum bundan xəbərdardır:

“Məsələ hansısa məmurun suyun qarşısını kəsməsi deyil. Ümumilikdə ərazidə su problem var. Melorasiya və Su Təsərrüfatı Açıq Səhmdar Cəmiyyəti də bu məsələdən xəbərdardır. Problemin həlli üçün layihələr həyata keçiriləcək“.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/pm5x17

Most Viewed