Mənbə: Meydan Tv

Vəfat edən hərbçinin ailəsi narazıdır

Məqalə yeniləndi:  1 İyul 2021

Vəfat edən hərbçinin ailəsi narazıdır

Valideyn həmçinin oğluna şəhidlik statusunun verilməsini istəyir

Tərxis olunmasına 8 gün qalmış vəfat edən hərbi qulluqçu İlkin Ramin oğlu Zöhrabovun ailəsi etiraz edir.

Müdafiə Nazirliyi hadisənin martın 22-də baş verdiyini bildirib. Hərbçinin ürək nahiyəsinə güllə dəydiyi deyilir.

Hazırda Gəncə Hərbi Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə araşdırma aparılır.

Mərhumun anası Səriyyə Zöhrabova cinayət işinin gedişatından narazıdır. O, oğlunun intihar etməsinə inanmır. Valideyn həmçinin oğluna şəhidlik statusunun verilməsini istəyir.

Masallı Rayonu İcra Hakimiyyətindən ailənin İlkin Zöhrabovun məzar daşının götürlüməsi ilə bağlı müraciətinin həll edildiyi bildirilib.

Baş Prokurorluğun mətbuat xidmətindən hərbçinin avtomatla atəş açaraq intihar etməsi faktı ilə bağlı Gəncə Hərbi Prokurorluğunda Cinayət Məcəlləsinin 125-ci maddəsi ilə cinayət işi başlanıldığı deyilib. Hazırda istintaq davam edir. Səriyyə Zöhrabovaya rayon prokurorluğuna müraciət etmək tövsiyə olunub.

2001-ci il təvəllüdlü İlkin Zöhrabov İkinci Qarabağ döyüşlərində Kəlbəcərin işğaldan azad edilməsi uğrunda gedən döyüş əməliyyatlarında iştirak etdiyi üçün “Kəlbəcərin azad olunmasına görə” medalı ilə təltif olunub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  1 İyul 2021
Bölmələr:  
qısa linklər:   http://mtv.re/0yuus7

Ən çox baxılan