Prezident Donald Tramp ABŞ-ın sanksiyalarının Şimali Koreya lideri Kim Jong Un ilə etdiyi danışıqlarda önəmli bir nöqtə olduğunu söyləyib, – dünya mediası xəbər verir.
"Görüş sanksiyalar haqda idi", Tramp fevralın 28-də Vyetnamın paytaxtı Hanoyda jurnalistlərə müsahibəsi zamanı deyib.
"Onlar əsasən sanksiyaların tamamilə qaldırılmasını istədilər və biz isə bunu edə bilmərik", – deyə ABŞ prezidenti əlavə edib.
Trampın açıqlaması Koreya yarımadasının denuclearizasiyası (nüvəsizləşdirmə) mövzusunda baş tutan iki günlük zirvənin razılaşma olmadan sona çatdıqdan sonraya təsadüf edir.
Tramp həmçinin Kimin Pyongyangın nüvə və raket sınaqlarından uzaq durmağa davam edəcəyini söyləyib.
Günün əvvəlində Tramp və Kim Hanoy zirvəsinin keçirildiyi yeri ayrı-ayrı avtomobil kartejlərində tərk ediblər və planlaşdırılan birgə müqavilə imzalama mərasimi olmayıb.
"Bəzən gəzib dolaşmalıyıq və bu, belə zamanlardan biri idi,"- Tramp deyib.
Hanoydakı “Metropole Hotel”-də Tramp ilə danışıqların ikinci gününə başlayan Kim deyib:
"İndiyə qədər hiss etdiklərimdən deyə bilərəm ki, yaxşı nəticələr çıxacağına dair bir duyğum var".
Bir tərcüməçi vasitəsilə edilən şərhlər, xarici jurnalistin sualına cavab olaraq ilk dəfə olaraq bu ictimaiyyətdən kənar lider tərəfindən eşidilirdi.
İki liderin 2018-ci ilin iyun ayında Sinqapurda keçirilən ilk tarixi görüşündən sonra Kim Koreya Yarımadasının denuclearizasiyası istiqamətində işləməyə borclu olduğu haqda qeyri-müəyyən bir bəyanatla çıxış etmişdi.
