“Ermənilərin kəşfiyyat-diversiya qrupu qoşunların təmas xəttini keçməyə cəhd göstərib”
Azərbaycanın Müdafiə Nazirliyi cəbhə xəttində tutulan erməni ilə bağlı məlumat yayıb.
Məlumatda bildirilir ki, avqustun 7-də saat 13.30 radələrində Tovuz rayonunun ərazisində ermənilərin kəşfiyyat-diversiya qrupu qoşunların təmas xəttini keçməyə cəhd göstərib.
İtkilər verərək geri çəkilən təxribat-diversiya qrupunun 4 üzvü məhv edilib, daha bir üzvü Berd rayonun Çinari kənd sakini 1989-ci il təvəllüdlü Karen Petrosyan isə Azərbaycan əsgərləri tərəfindən tutulub.
Müdafiə Nazirliyinin məlumatına görə, hazırda dəstənin planı və fəaliyyətinin araşdırılması ilə əlaqədar iş aparılır.